स्व.बाळासाहेब ठाकरेंच्या जयंतीनिमित्त नारायणगाव शहराच्या सोलर लाईट पथदर्शी प्रकल्पाचे उद्घाटन संपन्न

नारायणगाव ग्रामपंचायत येथे स्व.बाळासाहेब ठाकरे यांची जयंती साजरी

जयंतीनिमित्त ग्रामपंचायतच्या सोलर लाईट पथदर्शी प्रकल्पाचे उद्घाटन संपन्न 

नारायणगाव - स्व.बाळासाहेब ठाकरे यांच्या जयंती निमित्त नारायणगाव ग्रामपंचायतीच्या माध्यमातून बसवण्यात आलेल्या ग्रामपंचायत पातळीवरील पुणे जिल्ह्यातील सर्वात मोठ्या स्ट्रीट लाईट व ग्रामपंचायत ईमारत १३ किलोवॅट सौरऊर्जा प्रकल्पाचा लोकार्पण सोहळा जि.प.सदस्या आशाताई बुचके, विघ्नहर कारखान्याचे संचालक संतोषनाना खैरे, पं.स.सदस्य दिलीप गांजाळे,ग्रामविकास अधिकारी नाईकडे साहेब,लोकनियुक्त सरपंच योगेश पाटे, उपसरपंच सारिका डेरे यांसह ज्येष्ठ नागरिक व  पत्रकारांच्या हस्ते संपन्न झाला.

     

    नारायणगाव ग्रामपंचायत कार्यालय येथे ज्येष्ठ शिवसैनिकांच्या वतीने ग्रामपंचायत कार्यालय येथे स्व.बाळासाहेब ठाकरे यांच्या प्रतिमेचे पूजन करून आदरांजली वाहण्यात आली.

       

     यावेळी सरपंच योगेश पाटे  की, या सौरऊर्जा प्रकल्पवार नारायणगाव गावठाण हद्दीतील स्ट्रीट लाईट चालणार असून दर महिन्याला येणार्‍या जवळपास १ लाख रुपये बिलात सुमारे ५० ते ६० टक्के बचत होणार आहे. तर ग्रामपंचायत कार्यालय इमारतीचे १० ते १५ हजार रुपयांचे बिल देखील वाचणार असुन या बचत झालेल्या पैशाचा सद्पयोग गावच्या विकासासाठी करता येणार असुन ग्रामपंचायत पातळीवरचा हा सर्वात मोठा स्ट्रिटलाईट व इमारत सौरउर्जा प्रकल्प असल्याची माहिती देत स्व.बाळासाहेब ठाकरे यांना आदरांजली वाहिली.

     

           यावेळी आशाताई बुचके म्हणाल्या की, नारायणगाव  ग्रामपंचायतच्या माध्यमातुन गॅस शवदाहिनी, पाणी पुरवठा योजना, भव्य गार्डन, पुणे जिल्ह्यातील ग्रामपंचायत पातळीवरचा सर्वात मोठा सोलर प्रकल्प असे अनेक पथदर्शी प्रकल्प राबवले जात असुन सरपंच योगेश पाटे यांच्या अधिपत्याखाली नारायणगाव ग्रामपंचायतमध्ये भ्रष्टाचारमुक्त कारभार केला जातोय ही कौतुकाची बाब आहे. यापुढच्याही काळात अधिक चांगल्या पद्धतीने गावचा विकास होईल यात शंका नाही अशा शब्दांत आशाताई यांनी ग्रामपंचायतच्या कार्यपद्धतीचे कौतुक केले.

यानिमित्तानं सरपंच योगेश पाटे यांना आदर्श सरपंच पुरस्कार प्राप्त झाल्याबद्दल सन्मान करण्यात आला. तसेच उपसरपंच सारिकाताई डेरे यांना वाढदिवस अभिष्टचिंतन करण्यात आले.

                 यादरम्यान पत्रकार अमर भागवत यांच्या संकलनातुन ग्रामपंचायतच्या कार्यगौरव दिनदर्शिकेचा व प्रा.अशफाक पटेल यांच्या अखिल मराठी युवा पत्रकार संघाच्या दिनदर्शिकेचा प्रकाशन सोहळा उपस्थित म‍ान्यवरांच्या हस्ते करण्यात आला. 

                 याप्रसंगी अरविंद ब्रम्हे, संतोषनाना खैरे, आशिष माळवदकर, अॅड.राजेंद्र कोल्हे, तंटामुक्ती अध्यक्ष ज्ञानेश्वर औटी यांनी मनोगत व्यक्त करत शुभेच्छा दिल्या.

                    याकार्यक्रमाला जि.प.सदस्या आशाताई बुचके, विघ्नहर साखर कारखान्यचे संचालक संतोषनाना खैरे, मुक्ताई देवस्थानचे अध्यक्ष एकनाथ शेटे, पंचायत समिती सदस्य दिलीप गांजळे, तंटामुक्ती अध्यक्ष ज्ञानेश्वर औटी, भागेश्वर डेरे, अनिल खैरे, ज्येष्ठ शिवसैनिक ज्ञानेश्वर खळदे, मारुती फुले, रोहिदास तांबे, अरविंद ब्रम्हे, मंगल चिंतामणी, उद्योजक अभय कोठारी, किसन डेरे, अॅड.कुलदिप नलावडे, अॅड.राजेंद्र कोल्हे, पत्रकार सुरेश वाणी, रविंद्र कोल्हे, संजय थोरवे, अतुल कांकरिया, अमर भागवत, मंगेश पाटे, प्रा.अशफाक पटेल, योगेश रायकर, धनंजय माताडे, किशोर वारुळे, जितु आंद्रे यांसह सर्व ग्रामपंचायत सदस्य, ज्येष्ठ शिवसैनिक पत्रकार मित्र,  ग्रामस्थ व ग्रामपंचायत कर्मचारी उपस्थित होते.

                  या सोलर लोकार्पण  सोहळ्याचे प्रास्ताविक प्रा.अशफाक पटेल यांनी केले. सुत्रसंचालन ग्रामपंचायत सदस्य गणेश पाटे यांनी तर आभार लोकनियुक्त सरपंच योगेश पाटे यांनी मानले.