नारायणगाव येथे नारायणगाव ग्रामपंचायत,नारायणगाव पोलीस स्टेशन आणि सर्व व्यापारी, जीप चालक संघटना, एसटी स्टँड शेजारील पत्रागाळेधारक व ग्रामस्थ बांधवांची बैठक संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत  

नारायणगाव :

        नारायणगावमध्ये होणारी ट्रॅफिक लक्षात घेता दि.११ रोजी  नारायणगाव ग्रामपंचायत कार्यालय येथे नारायणगाव पोलीस स्टेशनचे साहाय्यक पोलीस निरीक्षक श्री.अर्जुन घोडे पाटील  व  नारायणगावचे लोकनियुक्त सरपंच श्री.बाबुभाऊ पाटे यांच्या मार्गदर्शनाखाली नारायणगाव ग्रामपंचायत,नारायणगाव पोलीस स्टेशन आणि सर्व व्यापारी, जीप चालक संघटना, एसटी स्टँड शेजारील पत्रागाळेधारक व ग्रामस्थ बांधवांची बैठक लावण्यात आली होती. 

                 यावेळी सर्वांना नियमांबद्दल सूचना करण्यात आल्या व त्यामध्ये सर्वांनी कटाक्षाने लक्ष दिले पाहिजे की आपल्या कडे येणाऱ्या ग्राहकाने गाडी रस्त्यामध्ये तर लावली नाही ना?त्यामुळे दुसऱ्यांना त्रास तर होत नाही ना?व्यापारी वर्गाने स्वतः मोठी गाडी न आणता छोटी गाडी घेऊन येणे,प्रत्येक व्यापाऱ्याला सूचित करन्यात येते की ट्रान्सपोर्टच्या गाड्या सकाळी १० ते सायंकाळी ८ पर्यंत आणू नये जेणेकरून ट्रॅफिकची समस्या होणार नाही,पत्राशेड गाळे धारकांनी फूटपाथ वर कुणीही काही साहित्य लावले तर ते सामान उचलण्यात येणार आहे फुटपाथ हे चालण्यासाठीच ठेवावे त्यावर कुणीही काहीही लावू नये असे उद्यापासून निदर्शनास आल्यास नारायणगाव पोलीस स्टेशन आणि नारायणगाव ग्रामपंचायत यांच्या कडून दंडात्मक कारवाई करण्यात येणार आहे.

                  जीप चालक संघटनेला देखील त्यांची एका जीपची जागा कायम करून दिलेली आहे , वरील नियमांचे उल्लंघन केल्यास कारवाई करण्यात येईल, असे API श्री अर्जुन घोडे पा. यांनी नमूद केले आहे.

नारायणगावातील तमाम जनतेला देखील यावेळी आवाहन करण्यात आले आहे की प्रत्येकाने नियम पाळावे,आपल्या गाड्या योग्य ठिकाणी पार्क करावी जेणेकरून ट्रॅफिक होणार नाही याची आपण एक जबाबदार नागरिक म्हणून काळजी घेतली पाहिजे असे आवाहन ग्रा प ना गाव चे वतीने सर्वांना करण्यात आले.

                यावेळी नारायणगावचे API अर्जुन घोडे पाटील ,तंटामुक्ती समिती अध्यक्ष ज्ञानेश्वर औटी ,उद्योजक अशोक गांधी ,ग्रामपंचायत सदस्य आरिफ आतार, आशिष माळवदकर,राजेश बाप्ते, नारायणगाव पोलीस स्टेशन स्टाफ,व्यापारी वर्ग , ग्रामस्थ मोठ्या संख्येत उपस्थित होता..

या कार्यक्रमाचे सूत्र संचालन ग्रामपंचायत सदस्य गणेशभाऊ पाटे तर आभार शेखरभाऊ शेटे यांनी मानले.

विघ्नहर कारखान्याच्या ३४ व्या गळीत हंगामाचा शुभारंभ उत्साहात संपन्न ...२०१८-१९ मध्ये गळीतास आलेल्या ऊसास विघ्नहर देणार विनाकपात २९५०/- ऊसदर - चेअरमन सत्यशिल शेरकर

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत 

 शिरोली :
                        जुन्नर तालुक्यातील श्री विघ्नहर सहकारी साखर कारखान्याचा ३४ व्या गळीत हंगामाचा शुभारंभ आज शनिवारी दि. ९ नोव्हेंबर-२०१९ सकाळी-१०.०० वाजता शिरुर लोकसभेचे खासदार डॉ. अमोल कोल्हे आणि जुन्नरचे आमदार अतुल बेनके तसेच माजी आमदार शरददादा सोनवणे, कृषि उत्पन्न बाजार समितीचे सभापती संजय काळे आणि जिल्हा परिषद सदस्या आशाताई बुचके तसेच विविध क्षेत्रातील मान्यवरांच्या हस्ते गव्हाणीत मोळी टाकून उत्साहावर्धक वातावरणात संपन्न करण्यात आला.

                        याप्रसंगी विघ्नहरचे चेअरमन सत्यशिल शेरकर, माजी आमदार दिलीपराव ढमढेरे, व्हाईस चेअरमन अशोक घोलप, सुमित्राताई शेरकर, जयहिंद ग्रुपचे तात्यासाहेब गुंजाळ, विघ्नहर देवस्थानचे अध्यक्ष बी. व्ही. मांडे, तान्हाजी बेनके,अनंतराव चौगुले, जिल्हा दूध संघाचे बाळासाहेब खिलारी, जिल्हा परिषद सदस्य शरद लेंडे, अंकुश आमले, हभप रामदास कुटे, रमेश भुजबळ, गणेश कवडे, मकरंद पाटे, अजित काळे, पांडूरंग गाडगे, निवृत्ती काळे, माजी नगराध्यक्ष दिनेश दुबे, वैभव कोरडे, प्रदीप थोरवे, नंदूकाका शेरकर, सुखदेव नेहरकर, नगरसेविका हाजरा इनामदार, अर्चना भुजबळ, उज्वला शेवाळे, विजय भोर, गणपत शेटे, गणपत कवडे, विघ्नहरचे सर्व माजी संचालक, पंचायत समिती पदाधिकारी, पंचक्रोशितील विविध गांवाचे सरपंच, उपसरपंच, विविध कार्यकारी सोसायट्याचे चेअरमन आदि मान्यवरांसह सभासद, ऊस उत्पादक शेतकरी, विघ्नहरचे सर्व अधिकारी व कामगार वर्ग मोठ्या संख्येने उपस्थित होते. प्रारंभी प्रमुख पाहुणे व उपस्थित सर्व मान्यवरांच्या हस्ते विधीवत गव्हाणपुजन करण्यात येवून गव्हाणीत ऊसाची मोळी टाकण्यात आली.

                       प्रास्ताविक करताना चेअरमन सत्यशिल शेरकर म्हणाले की, मागिल गळीत हंगामात विघ्नहरने १० लाख ७५ हजार मे.टन ऊसाचे गाळप केले. त्यामधून १२ लाख ५३ हजार साखर पोत्यांचे उत्पादन   झाले. व ११.६५% साखर उतारा मिळवला. या गाळप हंगामात विघ्नहरने ८ लाख मे.टन ऊस गाळपाचे उद्दिष्ठ ठेवले आहे, असे त्यांनी यावेळी सांगितले. ते पुढे म्हणाले की यंदा मान्सूनचा पाऊस समाधानकारक झालेला असून धरणसाठ्यांची परिस्थीतीही चांगली आहे. परतीच्या पावसाने सध्या सगळीकडे धूमाकुळ घातलेला असून अद्यापिही परतीचा पाऊस सुरुच आहे. यापावसाने शेतकर्‍यांचे कांदा, सोयाबिन, द्गाक्ष, भाजीपाला पिकांचे आतोनात नुकसान झालेले आहे. यामुळे शेतकरी पूर्णपणे उध्वस्त झाला असून शेतकर्‍यांना शासकिय मदतीची आवश्यकता आहे. शासनाकडून नुकसान भरपाई मिळत नाही. ऊस हे एकच पीक आहे, ज्यामधून शेतकर्‍यांना शाश्वत उत्पन्न मिळते. त्यामुळे शेतकर्‍यांची अपेक्षा असते की ऊसास जास्तीत जास्त भाव मिळावा. परंतू शेतकर्‍यांना भाव देण्याबरोबरच संस्थाही टिकली पाहिजे याचा विचार होणे गरजेचे आहे. यासर्व बाबींचा विचार करुन विघ्नहरच्या संचालक मंडळाने २०१८-१९ साठी गळीतास आलेल्या ऊसास विनाकपात २९५०/- प्र. मे. टन दर देण्याचे ठरविले असून आत्तापर्यन्त सभासद, व ऊस उत्पादकांना २७८५/- रुपये अदा केलेले आहेत. उर्वरीत १६५/- रुपये पैशांची उपलब्धता झालेनंतर अदा करणेत येतील, असे त्यांनी यावेळी स्पष्ट केले. स्व.शेठबाबांचे विचाराने आणि स्व.आण्णांच्या मार्गदर्शनाच्या शिदोरीवर विघ्नहरची वाटचाल सुरु असून सर्व ऊस उत्पादकांनी नोंद केलेला ऊस विघ्नहर कारखान्यास गळीतासाठी घालावा, अशी विनंती त्यांनी याप्रसंगी उपस्थित ऊस उत्पादक शेतकर्‍यांना केली. तसेच मोठ्या संख्येने गळीत हंगाम शुभारंभ कार्यक्रमास उपस्थित राहिल्याबद्दल सर्वांचे मनस्वी आभार मानून धन्यवाद व्यक्त केले.

                      विघ्नहर कारखान्याने ऊस उत्पादकांना सतत चांगला भाव देण्याचा प्रयत्न केला. सतत  पेक्षा जास्त भाव देण्याची परंपरा कायम ठेवली. परंतू आयकर विभागाने विघ्नहर कारखान्याला  पेक्षा जास्त भाव दिल्याने २०५ कोटी रुपये इन्कमटॅक्स भरणेची नोटीस पाठविलेली आहे. उत्पन्नातून खर्च वजाजाता शिल्लक राहिलेली  रक्कम जर विघ्नहर कारखाना ऊस उत्पादकांना देत असेल तर ती जास्तीची रक्कम कारखान्याचा नफा समजून जर त्यावर इन्कमटॅक्स लावत असेल तर कारखाने चालू ठेवणे अशक्य होणार असल्याचे विघ्नहरचे चेअरमन सत्यशिल शेरकर यावेळी म्हणाले.

                     प्रमुख पाहुणे म्हणून बोलताना खासदार डॉ. अमोल कोल्हे म्हणाले की, सध्या साखर कारखानदारीची अवस्था अत्यंत बिकट असून साखर कारखाने उर्जित अवस्थेत आणण्याकरीता ब्राझीलच्या धर्तीवर भारत सरकारने इथेनॉल मिक्सींगचे ठोस धोरण जाहिर करणे अत्यंत गरजेचे असल्याचे ते म्हणाले. ते पुढे म्हणाले की, संपूर्ण साखर कारखानदारी प्रतिकुल परिस्थीतून वाटचाल करीत असतानाही विघ्नहर कारखान्याने मात्र ऊस उत्पादकांना उत्कृष्ठ असा ऊसदर देवून चेअरमन सत्यशिल शेरकर यांनी संस्थापक चेअरमन माजी खासदार स्व. शेठबाबांनी कारखान्याला मिळालेल्या उत्पन्नातून खर्च वजाजाता जास्तीतजास्त रक्कम शेतकर्‍यांना देण्याचा रचलेल्या पायावर विघ्नहरची विश्वासरुपी इमारत उभी केली असल्याचे त्यांनी यावेळी सांगितले. जुन्नर तालुका हा पर्यटन तालुका घोषित झाला असून पर्यटन हे तालुक्यातील जनतेच्या उपजिवीकेचे साधन बनेल अशा पध्दतीने तालुक्याचा विकास होण्यासाठी सर्वांनी एकत्र येवून निस्वार्थ भावनेने काम केले पाहिजे, असे सांगून विघ्नहर कारखान्याच्या आगामी गाळप हंगामास खासदार डॉ. अमोल कोल्हे यांनी शुभेच्छा व्यक्त केल्या.

                     आमदार अतुल बेनके म्हणाले की, विघ्नहर कारखान्याचा कारभार सत्यशिल शेरकर यांच्या नेतृत्वाखाली अतिशय पारदर्शकपणे सुरु आहे. यापुढील काळात कारखान्याच्या विकासाकरीता सत्यशिल शेरकर यांच्या पाठीशी खंबीरपणे उभे राहून ऊस उत्पादक शेतकरी वर्गाच्या हितासाठी काम करणार असल्याचे ते यावेळी म्हणाले. तसेच यापुढील काळात शेतकर्‍यांसाठी जुन्नर व आंबेगांव तालुक्यातील धरणसाठ्यातील पाण्याचे योग्य नियोजन करण्यात येणार असल्याचे त्यांनी सांगितले.

                     अध्यक्षीय भाषणात माजी आमदार दिलीपराव ढमढेरे म्हणाले की, माजी खासदार स्व. निवृत्तीशेठ शेरकर यांनी शेतकरी हिताचा निर्णय घेवून धालेवाडीच्या या माळरानावर विघ्नहर कारखान्याची उभारणी करुन हा परिसर फुलवला. विद्यमान चेअरमन सत्यशिल शेरकर हे सुध्दा विघ्नहर कारखान्याचा कारभार अगदी उत्कृष्ठ पध्दतीने करीत असल्याचे त्यांनी सांगितले. विघ्नहर कारखान्यामुळे या परिसरातील शेतकरी खर्‍याअर्थाने समृध्द झाला असल्याचेही ते यावेळी म्हणाले.

                      याप्रसंगी माजी आमदार शरददादा सोनवणे, आशाताई बुचके, संजय काळे, तान्हाजी बेनके आदिंनी आपले विचार व्यक्त केले व विघ्नहरच्याम्आगामी गाळप हंगामास शुभेच्छा दिल्या. कार्यक्रमाचे सुत्र संचालन कार्यकारी संचालक राजेंद्ग जंगले यांनी केले. तर आभार व्हाईस चेअरमन अशोक घोलप यांनी मानले.

भीमाशंकर सहकारी साखर लिमिटेड चा २० वा "बॉयलर अग्नी प्रदीपन व गव्हाण पूजन कार्यक्रम" संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत 

पारगाव तर्फे अवसरी बु :
                                 भीमाशंकर सहकारी साखर ली. दत्तात्रयनगर, पारगाव तर्फे अवसरी बु., चा २० वा "बॉयलर अग्नी प्रदीपन व गव्हाण पूजन कार्यक्रम" आज कारखाना कार्यस्थळावर आयोजित करण्यात आलेला होता. यावेळी सभासद, संचालक मंडळ, अधिकारी वर्ग, कर्मचारी व भीमाशंकर कारखान्याचे हितचिंतक मोठ्या संख्येने उपस्थित होते.

                                 यंदा राज्यातील साखर कारखान्यांचा गळीत हंगाम उशिरा सुरू होण्याची शक्यता आहे. उसाची कमतरता भासणार असल्याने यंदा हंगाम कमी काळ चालेल, तसेच बरेच कारखाने पूर्ण क्षमतेने गाळप करू शकणार नाहीत असे चित्र आहे. पावसाने पाठ फिरवल्यामुळे मराठवाड्यात सर्वाधिक अडचणीची स्थिती निर्माण झालेली आहे. तेथील मोजकेच कारखाने यंदा उसाचे गाळप करण्याची शक्यता आहे. राज्यातील साखर कारखान्यांना गळीत हंगाम नोव्हेंबर-डिसेंबर दरम्यान सुरू होईल. मराठवाड्यात यंदा तीव्र दुष्काळामुळे उसाचे क्षेत्र घटले आहे. बहुतांश ठिकाणी शेतकऱ्यांनी उपलब्ध ऊस चाऱ्यासाठी विकून टाकलेला आहे. तर दुसर्‍या बाजूला कोल्हापूर, सांगली, सातारा जिल्ह्यात महापुरामुळे उसाचे पिकांचे मोठ्या प्रमाणात नुकसान झाले आहे. या पार्श्वभूमीवर राज्यातील अनेक कारखान्यांना पुरेसा ऊस उपलब्ध होणार नाही, त्यामुळे अनेक कारखाने पूर्ण क्षमतेने चालण्याची शक्यता नाही.

                                गेल्या हंगामात राज्यातील 195 साखर कारखान्यांनी 952 लाख टन गाळप केले. एकूण 107 लाख टन साखर उत्पादन झाले. यंदा मात्र बंद कारखान्यांची संख्या मोठ्या प्रमाणात वाढणार आहे. राज्यातील साखर उद्योगाला वार्षिक 2000 कोटी रुपयांचा महसूल सरकारला देते. गाळप हंगामाचा कमी कालावधी आणि अनेक ठिकाणी बंद राहणारे साखर कारखाने याचा थेट परिणाम शेतकरी, ऊस तोड मजूर, आणि व्यापाऱ्यांवर होणार आहे. ग्रामीण भागातील सुमारे अडीच कोटी लोक चरितार्थासाठी साखर गळीत हंगामावर अवलंबून आहेत. साखर उद्योगामुळे 1 लाख 65 हजार लोकांना थेट रोजगार मिळतो आहे. तर सुमारे 8 लाख मजुरांना ऊसतोड आणि वाहतुकीच्या कामातून रोजगार उपलब्ध होत आहे.

नारायणगाव पोलिस ठाणेच्या हद्दीत निवडणुकीच्या पार्श्वभूमीवर ३१० जणावर प्रतिबंधात्मक कारवाई, ४० जण हद्दपार

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत 

नारायणगाव :
                  विधानसभा निवडणुकीदरम्यान कायदा व सुव्यवस्था अबाधित राखण्यासाठी तडीपारीचे आदेश मा. जितेंद्र डुड्डी, (IAS) सहायक जिल्हाधिकारी, मंचर व मा. उप विभागीय पोलीस अधिकारी दिपाली खन्ना यांनी तडीपारीचे आदेश काढले असून
 नारायणगाव पोलीस ठाण्याच्या वतीने ३०५ जणांवर वेगवेगळ्या प्रकारची कारवाई करण्यात आली, अशी माहिती नारायणगाव पोलीस ठाण्याचे सहाय्यक पोलीस निरीक्षक अर्जुन घोडे पाटील यांनी दिली.
               सहाय्यक पोलीस निरीक्षक अर्जुन घोडेपाटील यांनी सांगितले की, पोलीस स्टेशन अंतर्गत कलम १०७ प्रमाणे ७५ इसमांवर कारवाई करण्यात आली असून त्यांच्याकडून बाँड लिहून घेण्यात आले आहेत. कलम कलम ११० प्रमाणे ०३ इसमांवर कलम १४९ प्रमाणे १८५ इसमांना नोटीस देण्यात आले आहे. कलम १४४ (२) प्रमाणे २७  इसमावर निवडणुकीच्या काळात जुन्नर तालुक्यातून हद्दपार करण्यात आले आहे. कलम ५५ प्रमाणे १ प्रस्ताव ४ इसमावर हद्दपार करण्याचे प्रस्ताव पाठवण्यात आलेले आहेत. कलम ५६(ब) प्रमाणे १ सराईत इसमांविरोधात हद्दपार प्रस्ताव पाठवला असून कलम ९३ प्रमाणे ८ इसमावर प्रतिबंधक कारवाईचा प्रस्ताव सादर करण्यात आला आहे तसेच. नारायणगाव  पोलीस स्टेशनच्या हद्दीत अवैध धंद्यावर दारूबंदीसाठी छापे घालण्यात आले असून २३,४६४  हजार रुपयांचा माल हस्तगत करण्यात आला आहे.
               पोलीस अधीक्षक संदीप पाटील,अप्पर पोलीस अधीक्षक विवेक पाटील, जुन्नर विभाग उपविभागीय पोलीसअधिकारी दिपाली खन्ना  यांच्या मार्गदर्शनाने तसेच सूचनांप्रमाणे सहाय्यक पोलीस निरीक्षक अर्जुन घोडेपाटील, ASI केंगले, ASI ढमाले, पो.ना लोंढे, पो.ना. शिंदे, पो.शि. लोहार, पो.शि. वाघमारे, पो.शि. कोबल, पो.शि. साबळे, पो.शि. दुपारगुडे. पोशि. गारगोटे, पो.शि. राक्षे यांनी कामगिरी बजावली आहे.

विघ्नहर कारखान्याचे ३४ व्या गळीत हंगामाचे बॉयलर अग्नि प्रदीपन उत्साहाच्या वातावरणात संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत 

शिरोली : 
               श्री विघ्नहर सहकारी साखर कारखान्याच्या ३४ व्या गळीत हंगामाचा बॉयलर अग्नि प्रदीपन समारंभ कारखान्याचे उपाध्यक्ष अशोक भगवंत घोलप तसेच त्यांच्या सुविद्य पत्नी पुष्पाताई अशोक घोलप या उभयातांच्या हस्ते आज बुधवारी (दि.१६) सकाळी-१० वाजता मोठया उत्साहाच्या वातावरणात संपन्न झाला. कार्यक्रमाच्या अध्यक्षस्थानी कारखान्याचे चेअरमन सत्यशिल शेरकर हे होते.

                याप्रसंगी चेअरमन सत्यशिल शेरकर, व्हाईस चेअरमन अशोक घोलप, सुमित्राताई शेरकर, जयहिंदचे तात्यासाहेब गुंजाळ, नंदूकाका शेरकर, गणपत शेटे, पांडुरंग गाडगे, रविंद्ग माळी, वैभव कोरडे, प्रदीप थोरवे, अजितकाका परदेशी, हाजरा इनामदार,  अर्चना भुजबळ, तान्हाजी बेनके, संभाजी पोखरकर, वल्लभ शेळके, जानकू डावखर, रामदास बोर्‍हाडे, गजानन हाडवळे, विजय भोर विवेक काकडे, रामदास महाबरे विघ्नहरचे सर्व आजीमाजी संचालक, पंचक्रोशितील विविध गांवाचे सरपंच, उपसरपंच, विविध कार्यकारी सोसायट्याचे चेअरमन, ऊस उत्पादक शेतकरी, पत्रकार बंधू, सर्व अधिकारी व कामगार वर्ग मोठ्या संख्येने उपस्थित होते.
               व्हाईस चेअरमन अशोक भगवंत घोलप म्हणाले की, विघ्नहर कारखान्याने उत्कृष्ठ कारभार करत अनेक पुरस्कार प्राप्त केले असून विघ्नहरच्या या सर्व यशामध्ये सभासद, ऊस उत्पादक शेतकरी, ऊसतोडणी/वाहतूक कामगार, कर्मचारी अधिकारी वर्ग यांचा मोठा वाटा असल्याचे सांगून आगामी गाळप हंगामातही विघ्नहर कारखान्याचा यशाची कमान चढतीच राहिल, असा विश्वास त्यांनी याप्रसंगी व्यक्त केला.
                अध्यक्षस्थानावरुन मार्गदर्शन करताना चेअरमन सत्यशिल शेरकर म्हणाले की, ३४ व्या गळीत हंगामाची सर्व तयारी पूर्ण झाली असून मंत्री समितीच्या बैठकीनंतर गाळप हंगाम सुरु करणेची तारीख निश्चित होणार  असल्याचे त्यांनी सांगितले. तथापि कारखान्याची गाळप हंगामाची सर्व तयारी पूर्ण झाली असल्याचे ते म्हणाले. ते पुढे म्हणाले की गाळप हंगामच्या दृष्टीने तोडणी यंत्रणेची व्यवस्थीत बांधणी करण्यात आली असून कार्यक्षेत्रात यंदा सुमारे ८ लाख मे.टन ऊस गाळपासाठी उपलब्ध होणार असल्याचे त्यांनी सांगितले. सभासद व ऊस उत्पादकांनी सर्व नोंदींचा व नोंद नसलेला बिगर नोंदीचा ऊस नोंद करुन घेवून विघ्नहरला गाळपासाठी घालावा, असे आवाहन त्यांनी याप्रसंगी केले. 

                    विघ्नहर कारखान्यास यावर्षीही नॅशनल फेडेरेशन ऑफ को-ऑप. शुगर फॅक्टरीज, नवी दिल्ली यांचेकडून उत्कृष्ट तांत्रिक कार्यक्षमतेबद्दलचा देशातील पहिल्या क्रमांकाचा सलग तिसर्‍यांदा पुरस्कार मिळाला असून साखर धंद्यात अग्रगण्य असलेल्या भारतीय शुगर या संस्थेकडूनही सर्वोत्कृष्ठ ऊस विकासाबद्दलचा राष्ट्रीय पातळीवरील पहिल्या क्रमांकाचा पुरस्कार असे दोन पुरस्कार मिळाले आहेत.         जुन्नर तालुक्याच्यादृष्टीने ही अतिशय भूषणावह बाब असल्याचे सांगून या पुरस्कारांबद्दल सर्व सभासद, ऊस उत्पादक, अधिकारी व कामगार वर्ग यांचे चेअरमन सत्यशिल शेरकर यांनी यावेळी अभिनंदन केले.

                        चेअरमन सत्यशिल शेरकर पुढे म्हणाले सध्या साखरेचे बाजारभाव ३१००/- रु.चे आसपास आहेत. परंतु साखरेचा उत्पादन खर्च ३४०० ते ३५०० चे आसपास आहे. शासनाने साखरेची किमान विक्री किंमत ३६००/- प्रती क्विंटल करणे गरजेचे असल्याचे त्यांनी स्पष्ट केले. ते म्हणाले की, सध्या ऊस उत्पादकांच्यादृष्टीने अडचणीची बाब म्हणजे खोडवा व लागणीच्या ऊसाला हुमणी किडीचा प्रार्दुभाव होत होता. त्यासाठी विघ्नहर कारखाना ऊस विकास विभागा मार्फत योग्य मार्गदर्शन करत असून त्याचा सर्वांनी फायदा घ्यावा.विघ्नहरने मोठ्या प्रमाणावर भुंगेरे गोळा करणेची मोहिम राबविली. त्याचा परिणाम म्हणुन हुमणीचा प्रार्दुभाव कमी झाल्याने ऊसासह इतर पिकांचीही होणारी नुकसान कमी होणेस मदत झाली आहे. ऊस उत्पादक शेतकर्‍यांनी कारखान्याचे लागवड धोरणानुसार जर ऊसाची लागवड केली तर तोडणीचे नियोजन योग्यप्रकारे होऊन ऊसाची तोडणी वेळेवर करता येईल असे सांगून ते म्हणाले की, स्व.शेठबाबांचे विचाराचा वारसा व आण्णांचे मार्गदर्शनाचे शिदोरीवर विघ्नहरच्या यशाचा रथ सदैवपणे पुढे नेत राहणार असल्याची ग्वाही त्यांनी यावेळी दिली. प्रारंभी उभयतांच्या हस्ते बॉयलरची विधिवत पुजा करण्यात आली. कार्यक्रमाचे कार्यकारी संचालक राजेंद्ग जंगले यांनी स्वागत केले. यावेळी माजी संचालक रंगनाथ घोलप, शरद चौधरी आदिंनी आगामी गाळप हंगामाकरीता शुभेच्छा व्यक्त केल्या.सुत्रसंचालन सुहास शेटे यांनी केले तर आभार संचालक देवेंद्ग खिलारी यांनी मानले.

श्री विघ्नहर कारखान्यास सर्वोत्कृष्ठ ऊस विकास हा राष्ट्रीय पातळीवरील प्रथम क्रमांकाचा पुरस्कार प्रदान

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत 

    कोल्हापूर :
                    भारतीय शुगर या राष्ट्रीय व आंतरराष्ट्रीय पातळीवर साखर धंद्यासाठी काम करणार्‍या प्रथितयश अशा संस्थेकडून श्री विघ्नहर सहकारी साखर कारखान्याला सर्वोत्कृष्ठ ऊस विकासाबद्दलचा राष्ट्रीय पातळीवरील संपूर्ण देशातील पहिल्या क्रमांकाचा पुरस्कार  नॅशलन शुगर इन्स्टिट्युट कानपूरचे संचालक नरेंद्ग मोहन यांच्या शुभहस्ते व भारतीय शुगरचे मुख्य संपादक आणि संस्थापक चेअरमन विक्रमसिंह शिंदे तसेच साखर उद्योगातील प्रतिष्ठीत मान्यवरांच्या  उपस्थितीत कोल्हापूर येथे शनिवारी  दि.२१ सप्टेंबर २०१९ रोजी प्रदान करण्यात आला. विघ्नहरचे चेअरमन सत्यशिल शेरकर, व्हाईस चेअरमन अशोक घोलप व संचालक मंडळातील सदस्यांनी आणि अधिकारी वर्गाने तो स्विकारला.
                  या पुरस्काराबद्दल बोलताना विघ्नहरचे चेअरमन सत्यशिल शेरकर म्हणाले की, श्रीविघ्नहर कारखान्याने गत वर्षीच्या हंगामात उत्कृष्ठ अशा ऊस विकास यंत्रणेचा वापर करुन ऊसाचे एकरी उत्पादनामध्ये आघाडी  घेत संपूर्ण पुणे जिल्ह्यात उच्चांकी असे प्रथम क्रमांकाचे म्हणजेच १० लाख ७५ हजार ०७५ मे. टन इतक्या ऊसाचे गाळप केले असून त्यापासून १२ लाख ५३ हजार ९२० क्विंटल साखर उत्पादन झालेले आहे. त्याचबरोबर ११.६५% साखर उतारा राखण्यात यश मिळविले. विघ्नहर कारखान्याकडून ऊस विकास व संवर्धनासाठी राबविण्यात येत असलेल्या विविध योजना तसेच ऊसाचे एकरी उत्पादनात वाढ होण्यासाठी ऊस उत्पादक शेतकर्‍यांना पुरवित असलेल्या सोईसुविधा, सवलती व उत्पादन वाढीसाठी देत असलेल्या प्रोत्साहन आदि बाबींचा विचार होवून विघ्नहर कारखान्यास हा पुरस्कार प्रदान करण्यात आला असल्याचे त्यांनी यावेळी सांगितले. चेअरमन सत्यशिल शेरकर पुढे म्हणाले की, भारतीय शुगर या संस्थेकडून संपूर्ण देशातील सर्वोत्कृष्ठ ऊस विकासाबद्दलचा पहिल्या क्रमांकाचा पुरस्कार मिळाला त्यामुळे श्री विघ्नहरच्या शिरपेचात आणखी एक मानाचा तुरा खोवला गेला असल्याचे सांगून जुन्नर तालुक्यातील सर्वसामान्य शेतकरी व जनतेच्यादृष्टीने ही अतिशय अभिमानाची  बाब असल्याचे त्यांनी सांगितले. माजी खासदार स्व. निवृत्तीशेठ शेरकर व माजी चेअरमन स्व.सोपानशेठ शेरकर यांच्या आर्दशाप्रमाणे विघ्नहर कारखान्याची यशोपताका  उंचावली  जात असून व्हाईस चेअरमन, सर्व संचालक यांच्या साथीने व सर्व सभासद बंधू-भगिनी, जेष्ठांचा आशिर्वाद, ऊस उत्पादक, अधिकारी व कर्मचारी वर्ग यांच्या सहकार्याने विघ्नहर कारखान्याची यशस्वी वाटचाल सुरु असल्याचे सत्यशिल शेरकर यांनी नमूद केले. आगामी सन २०१९-२० गाळप हंगामात सुमारे ८ लाख मे.टन ऊस गाळपाचे उद्दिष्ट असून त्यादृष्टीने गाळप हंगामाची जोरदार तयारी  सुरु असल्याचे त्यांनी याप्रसंगी संगितले.

विरोबा पतसंस्थेची वार्षिक सभा खेळीमेळीच्या वातावरणात संपन्न... पतसंस्थेकडून सांगलीच्या पूरग्रस्तांना १.५० लाखाची मदत

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

नारायणगाव : 

                 श्री. विरोबा नागरी सह.पतसंस्था मर्या.,नारायणगाव ची २६ वी वार्षिक सर्वसाधारण सभा दि.१५ सप्टेंबर १९ रोजी श्री. बाळासाहेब उर्फ नामदेव दत्तात्रय पाटे यांच्या अध्यक्षतेखाली जयहिंद पॅलेस नारायणगाव येथे खेळीमेळीच्या वातावरणात पार पडली .
               संस्थेचे ज्येष्ठ सभासद श्री दिनकर शिंदे गुरुजी,श्री शांताराम बनकर ,श्री अशोक वाजगे ,श्री नंदाराम नायकोडी,श्री शांताराम नाईक यांनी दिपप्रज्वलन केले.
              संस्थेच्या अहवाल वर्षात २२.९४ कोटीच्या ठेवी,कर्जवाटप १८.४४ कोटी.ढोबळ नफा ९०.७६ लाख आहे तर थकबाकीचे प्रमाण ३.७२% व एन.पी .ए चे प्रमाण २.४०% आहे. संस्थेच्या सर्वांगीण प्रगतीवर सर्व सभासदांनी समाधान व्यक्त केले.सभासदांच्या गुणवंत विध्यार्थ्यांना भेटवस्तू वाटप करण्यात आल्या. पुणे जिल्हा परिषद सदस्या सौ. आशाताई बुचके तसेच लेखापरीक्षक श्री ज्ञानेश्वर औटी  यांनी सभेस मार्गदर्शन केले. 

              सांगली येथील पूरग्रस्तांना रु.१,००,०००/-ची रोख व रु.२५०००/- च्या जीवनावश्यक वस्तू पतसंस्थेतर्फे देण्यात आल्या. तसेच बस्तवाड,ता.शिरोळ,जि .कोल्हापूर येथे ४ दिवस जाऊन प्रत्यक्ष जाऊन तेथील पुरग्रस्थांचे पुनर्वसन करणारे नारायणगावचे लोकनियुक्त सरपंच व संस्थेचे संचालक श्री योगेश उर्फ बाबु पाटे व राजे शिवछत्रपती प्रतिष्ठानचे युवक कार्यकर्ते तसेच ग्रामपंचायत कर्मचारी व डॉक्टरांची टीम अशा ६० जणांचा सत्कार संस्थेच्या वतीने करण्यात आला.
          सर्व सभासदांना सालाबाद प्रमाणे याही वर्षी संचालक मंडळाने १५% लाभांश व दीपावली भेटवस्तू देण्याचे जाहीर केले.      
               अध्यक्षीय मनोगतात श्री बाळासाहेब उर्फ नामदेव दत्तात्रय पाटे यांनी संस्था चालू वर्षी रौप्यमहोत्सवी वर्ष साजरे करीत असल्यामुळे सभासदांच्या सूचना मागविण्यात आल्या व सभासदांना रौप्य महोत्सवा निम्मित खास भेटवस्तू देण्यात येणार असल्याचे सांगण्यात आले. शाळकरी मुलांना मोबाइल व टी.व्ही. पासून दुष्परिणाम होत असल्यामुळे त्यापासून दूर ठेवण्याचे आव्हान करण्यात आले. नारायणगाव परिसरातील बेवारस प्रेतांचा अंत्यविधीचा खर्च यापुढे  पतसंस्थेच्या वतीने करण्यात येणार आहे.

             संस्थेचे उपाध्यक्ष श्री. कांतीलाल बोरा,संचालक श्री धर्मेंद्र गुंजाळ यांनी प्रास्ताविक केले व प्रगतीचा आढावा घेतला तर सभेपुढील विषयांचे वाचन संस्थेचे मुख्य व्यवस्थापक श्री. ललित वाणी यांनी केले.आभार प्रदर्शन संस्थेचे मा.सचिव श्री राजेंद्र पाटे  यांनी केले.

तात्यासाहेब भुजबळ यांची ४५ वी पुण्यतिथी’’ कृषि शिक्षण संकुल नारायणगाव येथे उत्साहात साजरी... कृषि शिक्षणामध्ये नेदरलँड कृषि तज्ज्ञाची मदत घेणार - कृषिरत्न श्री.अनिल मेहेर

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

नारायणगांव :
               स्वर्गीय तात्यासाहेब भुजबळ यांनी मातोश्रींच्या स्मृतीप्रित्यर्थ दिलेल्या जमिनीच्या देणगीमुळेच ग्रामोन्नती मंडळ आज ते कृषि शिक्षण संकुल उभारु शकले. व त्यामुळेच कृषि विध्यार्थ्यांना अभ्यासक्रमास पूरक असे वातावरण निर्माण होत आहे. परदेशातील कृषि विषयक तंत्रज्ञान विध्यार्थ्यांना उपलब्ध व्हावे यासाठी संस्था प्रयत्न करणार आहे. नेदरलँडमधील कृषि तज्ज्ञ गटांशी यासाठी चर्चा सुरु आहे.  या स्पर्धेच्या युगामध्ये विद्याथ्यारना शेतकऱ्यांना आवश्यक असणारे तंत्रज्ञान ग्रामोन्नती मंडळ उपलब्ध करुन देत आहे. असे प्रतिपादन कृषिरत्न श्री.अनिलतात्या मेहेर यांनी केले. 

                कै.तात्यासाहेब भुजबळ यांचे समाधीचे पूजन ग्रामोन्नती मंडळाचे संचालक श्री. शशिकांत भिमाजी वाजगे यांचे हस्ते झाले. याप्रसंगी कुणाल रत्नदीप भरवीरकर यांनी दिलेल्या देणगीचा धनादेश संस्थेचे अध्यक्ष श्री.प्रकाशमामा पाटे यांनी स्विकारला. यावेळी मंडळाचे कार्यवाह श्री. रविंद्र पारगांवकर यांनीही आदरांजली वाहिली.

                  याप्रसंगी संस्थेचे विश्वस्त डॉ.श्रीकांत विद्वांस, अध्यक्ष श्री.प्रकाशशेठ पाटे, कार्याध्यक्ष श्री.अनिलतात्या मेहेर, कार्यवाह श्री. कार्यवाह श्री.रविंद्र पारगांवकर, शेती समिती प्रमुख श्री.रत्नदिप भरविरकर, उप कार्याध्यक्ष डॉ. आनंद कुलकर्णी, सहकार्यवाह श्री.अरविंदभाऊ मेहेर, ग्रामोन्नती मंडळ संचालक श्री.शशिकांत वाजगे, श्री.आल्हाद खैरे, श्री.तानाजी वारुळे, डॉ.संदिप डोळे, श्री.एकनाथ शेटे, श्री.ऋषिकेश मेहेर, तसेच श्री.पी.जी.शेटे, डॉ.एम.बी.भुजबळ,

श्री.आर.एन.गायकवाड, श्री.नवले सर, श्री.गुळवे सर, श्री.रोकडे सर, श्री.अरविंद ब्रम्हे, सौ.स्मिता भरवीरकर, पत्रकार श्री.रविंद्र पाटे, श्री.भोर सर कृषि शिक्षण संकुलातील विविध विभागांचे प्रमुख, प्राध्यापक, शिक्षक व कर्मचारी वृंद इ.उपस्थित होते.

               या प्रसंगी कृषि विभागांच्या कार्याचा सविस्तर आढावा  कृषि शिक्षण संकुलाचे व्यवस्थापक मा.श्री.बी.आर. भुजबळ यांनी घेतला. तसेच पुण्यतिथीनिमित्त कृषि शिक्षण संकुलातील सर्व विभागातील विद्याथ्यारनी व सबनीस विद्यामंदिराच्या लेझीम पथकाने ढोल ताशांच्या गजरात  तात्यासाहेबांच्या प्रतिमेची मिरवणूक काढली.  

               आभार प्रदर्शन प्रा.नेहा गोडसे यांनी केले व सुत्रसंचालन डॉ.सत्यवान थोरात यांनी केले.

आंतरशालेय क्रीडा स्पर्धेत श्री अनंतराव कुलकर्णी इंग्लिश मीडियम स्कूल चे यश

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

नारायणगाव :
                    जिल्हा क्रीडा कार्यालय जिल्हा परिषद पुणे यांच्यावतीने आंतरशालेय क्रीडा स्पर्धा सुरू असून बारामती येथे बॅडमिंटन या क्रीडा प्रकाराच्या जिल्हास्तरीय स्पर्धा नुकत्याच पार पडल्या.या स्पर्धांमध्ये श्री अनंतराव कुलकर्णी इंग्लिश मीडियम स्कूलच्या 17 वर्षे वयोगटातील खेळाडूंनी प्रथम क्रमांक मिळविला या खेळाडूंच्या संघाची निवड विभागीय पातळीवर झाली आहे. अशी माहिती मुख्याध्यापिका सौ अनघा जोशी यांनी दिली स्पर्धेत निवड झालेले खेळाडू पुढील प्रमाणे.
१) कु. अंकित बाजीराव टिकेकर  २) कु. ऋग्वेद दिनेश वैष्णव  ३) कु. वेदांत विकास गाडेकर  ४) कु.साहिल सचिन ढेरे पारस ५) कु.आकाश  शर्मा या खेळाडूंना श्री भरत भोसले यांचे मार्गदर्शन लाभत आहे .
        जुन्नर तालुक्यात बॅडमिंटन या क्रीडा प्रकारात यावर्षी प्रथमच खेळाडूंची ची निवड विभागीय स्तरावर झाली असुन यशस्वी खेळाडू व मार्गदर्शक यांचे अभिनंदन व कौतुक ग्रामोन्नती मंडळाचे अध्यक्ष प्रकाश पाटे, कार्याध्यक्ष अनिल मेहेर, उपकार्याध्यक्ष डॉक्टर आनंद कुलकर्णी, कार्यवाह रवींद्र पारगावकर व इतर संचालकांनी केले.

श्री पांडुरंग ग्रामीण विकास प्रतिष्ठान संचलित दिलीप वळसे पाटील कला वाणिज्य व विज्ञान महाविद्यालयाने राबविले ग्राम स्वछता अभियान

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

 निमगाव सावा :  
                      श्री पांडुरंग ग्रामीण विकास प्रतिष्ठान संचलित दिलीप वळसे पाटील कला वाणिज्य व विज्ञान  महाविद्यालयाने  निमगाव सावा गावामध्ये ग्राम स्वछता अभियान राबविल्याची माहिती विद्यार्थी कल्याण मंडळाचे अधिकारी प्रा. दर्शन शेलार यांनी दिली.  महाविद्यालयातील राष्ट्रीय सेवा योजना आणि कमवा व  शिका योजनेतील विद्यार्थ्यांनी स्वछता अभियानात उस्फुर्तपणे सहभाग घेतला.  

                     विद्यार्थ्यांनी ग्रामपंचायत परिसर स्वच्छ केला. तसेच गावातील मुख्य रस्त्याच्या दोन्ही बाजूनी साफसफाई केली. बाजारतळ, संत मनाजी बाबा चौक,प्राथमिक आरोग्य केंद्र,  गावचे प्रवेशद्वार या परिसरातील कागद, पालापाचोळा, दगड गोळा केले तसेच उंच वाढलेले गवत काढून साफसफाई केली. यावेळी पुणे जिल्हा परिषदेचे माजी उपाध्यक्ष आणि विद्यमान सदस्य पांडुरंग पवार यांनी पाहणी करून विद्यार्थ्यांना स्वच्छतेचे महत्व सांगून असे स्वच्छता उपक्रम राबविण्याची गरज असल्याचे सांगितले आणि यामध्ये महाविद्यालयांनी पुढाकार घेउन त्यांना ग्रामस्थांनी सहकार्य करण्याचे आवाहन केले. 

                               या स्वच्छता अभियानात निमगाव सावाचे सरपंच सौ. सुनीता घोडे, उपसरपंच नजीर चौगुले, सचिन बेहेडे यांच्यासह ग्रामस्थ,महाविद्यालयाचे प्राचार्य डॉ. जोशी व्ही. एस. आणि सर्व प्राध्यापक उपस्थित होते. या  स्वछता अभियानाचे नियोजन राष्ट्रीय सेवा योजनेचे कार्यक्रम अधिकारी प्रा.प्रकाश कांबळे यांनी केले.

श्री विघ्नहर कारखान्याची ३७ वी वार्षिक सभा खेळीमेळीच्या वातावरणात संपन्न.... विषय पत्रिकेवरील सर्व १२ विषयांना सभासदांची एकमुखी मंजूरी

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

शिरोली बु. : 
                 श्री विघ्नहर सहकारी साखर कारखान्याची ३७ वी वार्षिक सर्वसाधारण सभा आज बुधवारी (दि.१८) खेळीमेळीच्या वातावरणात संपन्न झाली. विषयपत्रिकेवरील सर्व १२ विषयांना सभासदांनी एकमुखी मंजूरी दिली.
अध्यक्षस्थानावरुन सभासदांना मार्गदर्शन करताना चेअरमन सत्यशिल शेरकर म्हणाले की, श्री विघ्नहर सहकारी साखर कारखान्याची गळीत हंगाम २०१८-१९ मध्ये गळीतास आलेल्या ऊसाची एफ.आर.पी. प्रतिटन रुपये २६८५ इतकी होती. या सिझनमध्ये गळीतास आलेल्या ऊसास संपूर्णपणे एफ.आर.पी पेमेंट कारखान्याने अदा केले असल्याचे चेअरमन सत्यशिल शेरकर यांनी सांगितले. आगामी २०१९-२० गाळप हंगामात आपण ८ लाख मे. टन ऊस गाळपासाठी उपलब्ध असून हंगामाच्या तयारीसाठी कारखान्याने ऊस तोडणी यंत्रणा सज्ज ठेवली आहे. यामध्ये ६०० टायर बैलगाडी, २५० ट्रॅक्टर टायरगाडी, ३०० ट्रक / टोळी तसेच ५ ऊस तोडणी यंत्रांचा समावेश आहे. त्याचबरोबर को-जनरेशन प्रकल्प व डिस्टीलरी विभागातील देखभाल, दुरुस्तीची कामे अंतिम टप्प्यामध्ये असून येत्या ऑक्टोबर २०१९ अखेरपर्यन्त कारखाना ऊस गाळपासाठी सज्ज होत असल्याचे त्यांनी सांगितले. ऊस पिकावर हुमणी किडीचा मोठ्या प्रमाणावर प्रादुर्भाव होत असल्याने विघ्नहरने सुमारे १३ टन भुंगेरे गोळा करुन त्याचे प्रमाण कमी करण्याचा प्रयत्न केला. हुमणी आटोक्यात आणणेसाठी शेतकी विभाग सर्वोतोपरी प्रयत्न करीत असल्याचे चेअरमन सत्यशिल शेरकर यांनी सांगितले.

 कारखान्याच्या ३७ व्या अधिमंडळ वार्षिक सर्वसाधारण सभेप्रसंगी  कारखान्यास हंगाम २०१८-१९ साठीचा नॅशनल फेडेरेशन ऑफ को-ऑप शुगर फॅक्टरीज, नवि दिल्ली या संस्थेकडून तांत्रिक कार्यक्षमतेचा उच्च साखर उतारा विभागातील संपूर्ण भारत देशातील प्रथम क्रमांकाचा पुरस्कार सलग तिसर्‍यांदा मिळाला असून नुकताच भारतीय शुगर या राष्ट्रीय व आंतरराष्ट्रीय पातळीवर साखर उद्योगासाठी काम करणार्‍या अशा प्रथितयश संस्थेकडून कारखान्यास राष्ट्रीय पातळीवर उत्कृष्ठ ऊस विकासाचे पारितोषिक मिळाले आहे. सदरहू बक्षिस वितरण समारंभ येत्या २१ सप्टेंबर-२०१९ रोजी कोल्हापूर येथे होणार असल्याचे चेअरमन सत्यशिल शेरकर यांनी यावेळी सांगितले. विघ्नहर कारखान्याला मिळालेल्या या दोन्ही पुरस्कारांबद्दल कारखान्याचे सर्व सभासद, ऊस उत्पादक शेतकरी आणि शेतकरी संघटनेच्यावतीने चेअरमन सत्यशिल शेरकर व सर्व संचालक मंडळाचा याप्रसंगी सत्कार  करण्यात आला. 

  सत्यशिल शेरकर म्हणाले की, केंद्ग सरकारने बफर स्टॉक अनुदान व साखरेवरील निर्यात अनुदान जाहिर केले. परंतू अनुदानाचे पैसे वेळेवर मिळत नाहीत. निर्यात साखरेचे अनुदान लवकर देणे अपेक्षित असल्याचे ते म्हणाले.सतत मागिल दोन वर्षे साखर उत्पादन जास्त झालेने बाजारभाव कमी होवून शेतकर्‍यांना  देणे अवघड  झाले. यावर केंद्ग शासनाने मागिल दोन वर्षे कारखान्यांना सॉफ्टलोनद्वारे पैसे उपलब्ध करुन दिल्यामुळे   पूर्ण करता आली. तथापि, याद्वारे मोठ्या प्रमाणावर कर्जाचा बोजा कारखान्यांवर निर्माण           झाला. सदर कर्जाची परतफेड एक वर्षे मुदतीची असल्याने याचा परिणाम कारखान्यांच्या खेळते भांडवलावर होत असल्याचे त्यांनी याप्रसंगी सांगितले. केंद्ग सरकारने साखरेचे किमान विक्री मुल्य () ३१००/- रु. केले. याचा फायदा होणे अपेक्षित होते. परंतू देशामध्ये एकच दर ठेवल्याने उत्तर प्रदेश सारख्या राज्याला त्याचा चांगला फायदा झाला. संपूर्ण देशभर उत्तर प्रदेशची साखर जाऊ लागली. व महाराष्ट्रातील साखरेचे साठे आजही पडून आहेत. याचा परिणाम साखरेवरील व्याजाचा बोजा वाढला असल्याचे चेअरमन सत्यशिल शेरकर यांनी सांगितले. ते पुढे म्हणाले की ९७ व्या घटना दुरुस्तीनुसार क्रियाशिल सभासद राहणेसाठी ५ वर्षामधून एकदा गाळपास ऊस घालणे व ५ वर्षामधून एकदा वार्षिक सर्वसाधारण सभेस उपस्थित रहाणे अनिवार्य आहे, याबाबत सभासदांस वेळोवेळी नोटीशीद्वारे, अहवालाद्वारे कळविणेत आलेले आहे. सभासद क्रियाशिल नसल्यास त्यांना  मिळणार्‍या अनेक सवलती, सोई-सुविधा व हक्कापासून वंचीत रहावे लागणार आहे. सर्व सभासदांनी याबाबत जागरुक रहावे, असे आवाहन त्यांनी यावेळी केले. मागिल दोन वर्षांमध्ये सलग साखरेचे बंपर उत्पादन झालेने साखरेचे बाजारभाव देशांर्तगत व आंतरराष्ट्रीय बाजारात कोसळले. आपल्या को-जन. प्रकल्पाच्या पहिल्या टप्प्याचा करार मागीलवर्षी संपला. त्याचा विज खरेदी दर ६.४५ पैसे युनिट होता. तो आज ३.५६ पैस युनिट झाला आहे. त्यामुळे को-जन. युनिटमधून मिळणारे उत्पन्न कमी झाले. संचालक मंडळाने नेहमीच ऊस उत्पादक, शेतकर्‍यांच्या हिताचे निर्णय घेतले आहे. व यापुढील काळामध्येही घेणार आहे. तथापि, सदरील सर्व बाबींचा विचार करता  पेक्षा अधिकचा भाव देणे अवघड आहे. परंतू यामधूनही आपण मार्ग काढून पैशांची उपलब्धता झालेवर आपली दिवाळी नक्कीच गोड करणार असल्याचे त्यांनी यावेळी सांगितले.               

प्रारंभी विघ्नहरचे संस्थापक स्व. निवृत्तीशेठ शेरकर व स्व. सोपानशेठ शेरकर यांच्या प्रतिमांचे पुजन करुन सभेच्या कामकाजास प्रारंभ करण्यात आला. याप्रसंगी हंगामात जास्तीत जास्त ऊस पुरवठा करणारे   ५ शेतकरी, हंगामात एकरी १११ मे.टन व त्यापुढील ऊस उत्पादन घेतलेले १४ शेतकरी, हंगामात एकरी १०० मे.टनाचे पुढे उत्पादन घेतलेले २७ शेतकरी, हंगामात जास्तीत जास्त ऊस तोडणी करणारे ४ कंत्राटदार, हंगामात जास्तीत जास्त ऊस वाहतूक करणारे २ कंत्राटदार, हंगामात हार्वेस्टरने जास्तीत जास्त ऊस तोडणी करणारे १ कंत्राटदार यांचा ट्रॉफी, प्रशस्तीपत्र, पुरस्कार व रोख रक्कम देवून सन्मान करण्यात आला. त्याचबरोबर पारगांव तर्फे आळे येथील ऊस उत्पादक शेतकरी विकास चव्हाण यांना पुणे जिल्हा परिषदेचा कृषिनिष्ठ शेतकरी पुरस्कार मिळाल्याबद्दल कारखान्याच्यावतीने त्यांचा सपत्नीक सत्कार करण्यात आला. याप्रसंगी सभासद, ऊस उत्पादक शेतकरी मोठ्या संख्येने उपस्थित होते.                                                         
          यावेळी अनेक सभासद शेतकर्‍यांनी चर्चेत भाग घेवून प्रश्न मांडले. तसेच सुचना केल्या. सभासदांनी विचारलेल्या प्रश्नांबाबत चेअरमन सत्यशिल शेरकर यांनी समाधानकारक खुलासा केला. कार्यकारी संचालक राजेंद्ग जंगले यांनी विषयपत्रिकेचे वाचन केले. सेक्रेटरी अरुण थोरवे यांनी दुःखवट्याचा ठराव मांडला. उपस्थित सभासदांचे आभार व्हाईस चेअरमन अशोकशेठ घोलप यांनी मानले.   

नारायणगाव येथे २ कोटी ५९ लक्ष रुपयांच्या विविध विकास कामांचे उद्घाटन व भूमिपूजन जि.प.सदस्या आशाताई बुचके यांच्या हस्ते संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

मंगळवार दि.१७ रोजी नारायणगावातील ४१ ठिकाणी २ कोटी ५९ लक्ष रुपयांच्या विविध विकास कामांचे उद्घाटन व भूमिपूजन नारायणगाव चे लोकनियुक्त सरपंच योगेश उर्फ बाबु पाटे व विघ्नहर सहकारी साखर कारखान्याचे संचालक संतोषनाना खैरे यांच्या अध्यक्षतेखाली  जिल्हा परिषद सदस्या सौ.आशाताई बुचके यांच्या हस्ते पार पडले.

             सौ.आशाताई बुचके यांच्या जि.प.पुणे निधीतून,ग्रामपंचायत नारायणगाव ग्रामनिधी व १४ व्या वित्त आयोगातून ,वार्ड नं.१ मध्ये ४१ लाख रु.वार्ड नं.४० लाख ७० हजार रु.वार्ड नं ३ मध्ये ६० लाख रु,वार्ड नं.४ मध्ये ६० लाख ५० हजार रु,वार्ड नं.५ मध्ये १८ लाख रु,वार्ड नं.६ मध्ये ३९ लाख रुपयांच्या विविध विकास कामांचे भूमिपूजन व उद्घाटन  जि.प.सदस्या सौ.आशाताई बुचके यांच्या हस्ते करण्यात आले.

           आशाताईंच्या माध्यमातून झालेल्या विकासकामांमुळे नारायणगावातील समस्त ग्रामस्थ विधानसभा निवडणुकीत नक्कीच आशाताई यांच्या सोबत असतील अशी अपेक्षा लोकनियुक्त सरपंच योगेश उर्फ बाबु पाटे यांनी यावेळी व्यक्त केली.

              या कार्यक्रमाच्या प्रसंगी  लोकनियुक्त सरपंच बाबुभाऊ पाटे,वि.स.सा.का.संचालक संतोषनाना खैरे,ग्रामविकास अधिकारी नाईकडे भाऊसाहेब,होडगे भाऊसाहेब,पंचायत समिती सदस्या अर्चना माळवदकर,तंटामुक्ती अध्यक्ष औटी साहेब,उपसरपंच मानिशाताई मेहेत्रे,ग्रामपंचायत सदस्य आरिफ आतार,संतोष दांगट,रुपाली जाधव,सारिका डेरे,अनिता कसाबे,अश्विनी ताजने,राजेश भैय्या बाप्ते,बाळा वाव्हळ,सुप्रिया खैरे,कुसुम शीरसाठ,पुष्पा आहेर,रामदास अभंग,संगीता खैरे,गणेश पाटे,प्रवीण दिवटे,निलेश जाधव, संतोष गांधी,श्री विरोबा परिवाराचे बाळासाहेब पाटे,वासुदेव कानसकर,रोहिदास भुजबळ,मुक्ताई समाज मंदिराचे डी.के.भुजबळ,एकनाथ शेटे,अशोक पाटे,शंकरराव कोल्हे,राजे शिवछत्रपती प्रतिष्ठानचे अनिल खैरे,आशिष माळवदकर,हेमंत कोल्हे,सुदीप कसाबे,संदीप नाईक,अजित वाजगे,शेखर शेटे,गौरव खैरे,जालिंदर खैरे,रोहित भूमकर,संकेत क्षीरसागर,ईश्वर पाटे,अभि शेटे,समीर इनामदार,नंदू अडसरे,सर्वच प्रतिष्ठानचे सभासद,त्या त्या भागातील स्थानिक ग्रामस्थ,महिला वर्ग,मुस्लिम समाजाचे बांधव  तसेच ग्रामपंचायत कर्मचारी वृंद उपस्थित होते.

वारुळवाडी ग्रामपंचायत विभागातील विविध विकास कामाचे भूमिपूज आशाताई बुचके यांच्या हस्ते संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत

 नाराय़णगाव: 
वारूळवाडी ग्रामपंचायत विभागातील विविध मंजूर विकास कामांचे भूमिपूजन सौ. आशाताई बुचके सदस्या जिल्हा परिषद पुणे,  श्री.संतोषनाना खैरे संचालक विघ्नहर सह. साखर कारखाना यांच्या हस्ते  झाले. अशी माहिती ग्रा. पं. सदस्य राजेंद्र मेहेर यांनी दिली.

         जि. प. सदस्या आशाताई बुचके यांच्या माध्यमातून विकास कामांचा मंजूर निधी १) चिमणवाडी सभामंडप रक्कम रुपये १० लक्ष, २) जगदंबा हुंडेकरी ते चिमणवाडी रस्ता करणे रक्कम रुपये २० लक्ष, ३) साई नगर रस्ता कॉंक्रीट करणे रक्कम रुपये ७ लक्ष, ४) वेताळबाबा मंदिर रस्ता करणे रक्कम रुपये १० लक्ष, ५) प्राथमिक आरोग्य केंद्र नवीन इमारत बांधकाम करणे. ६) ठाकरवाडी रोड ते लंबोदर सोसायटी रस्ता करणे रक्कम रुपये ५ लक्ष, ७) ठाकरवाडी रोड ते मेहेर वस्ती रस्ता कॉंक्रीटकरणे रक्कम रुपये ३ लक्ष, ८) डिंभा कॅनॉल ते मेहेर वस्ती रस्ता करणे रक्कम रुपये २.५ लक्ष, ९) कडाळेवस्ती रस्ता कॉंक्रीटकरणे रक्कम रुपये ५ लक्ष, १०) ठाकरवाडी जिल्हा परिषद शाळा दुरुस्ती रक्कम रुपये ६ लक्ष, ११) ठाकरवाडी जि.प.शाळा इमारत संरक्षक भिंत बांधणे रक्कम रुपये ७ लक्ष, १२) गणपती मंदिर ते ठाकरवाडी (ठक्करबाप्पा योजनेअंतर्गत) शाळा रस्ता डांबरीकरण करणे १२.५० लक्ष, १३) राजमहल हॉटेल ते कुबेर पार्क रस्ता करणे रक्कम रुपये १० लक्ष, १४) अभंगवस्ती रस्ता कॉंक्रीट करणे (रा.प.सबनीस हायस्कूल मागील) रक्कम रु.१० लक्ष, १५) इंदिरानगर अंतर्गत गटर योजना रक्कम रू. ५ लक्ष, १६) नंबरवाडी पाणी पुरवठा नवीन विहीर बांधणे. रक्कम रु. १५ लक्ष, १७) कॉलेज रस्ता ते संस्कृती सोसायटी रस्ता कॉंक्रीट करणे रक्कम रुपये ६ लक्ष, 

            यावेळी संजय वारुळे, जालिंदर कोल्हे, आशिष फुलसुंदर, तंटामुक्ती अध्यक्ष शिवदत्त संते, उपाध्यक्ष शिवनाथ मेहेर, सरपंच, जयश्री बनकर, उपसरपंच सचिन वारुळे, ग्रामपंचायत सदस्य विपुल फुलसुंदर, राजेंद्र मेहेर, जंगलभाऊ कोल्हे, परशुराम वारुळे, भाग्यश्री पाटे, जोत्स्ना फुलसुंदर, खुशाल काळे, वर्षा वऱ्हाडी, माया डोंगरे, सविता पारधी, मनाबाई भालेराव, सुनिता बटाव, अंजली संते, ईश्वर अडसरे, दशरथ जाधव, तसेच कर्मचारी वृंद ग्रामपंचायत वारूळवाडी, जीवन बुचके, अनिल गावडे, संदीपशेठ वारुळे, भाऊसाहेब बनकर, दिलीप मा. बनकर, बबननाना कानडे, मारुती गे. बनकर, डॉ.राजेंद्र कानडे, नारायण फुलसुंदर, बाळशिराम डोके, नबाजी फुलसुंदर, बाबुराव बनकर, शाम कानडे, अतुल कानडे, संजय बनकर, रविंद्र कानडे, संदेश डोके, संजय तु. कानडे,  झुंजार मित्र मंडळ चिमणवाडी महिला व सर्व सभासद आणि देवेंद्रशेठ बनकर (मा.सरपंच), जुबेर शेख, संदेश फुलसुंदर, योगेश लोखंडे, नवशक्ती मित्र मंडळाचे कार्यकर्ते, गणेश नायकोडी, अजय शिंदे, दिनेश मेहेर, वसंत मेहेत्र, गडगे सर, सुरेश मेहेर, बबन शिंदे, दशरथ फुलसुंदर, गुळवे सर आदि ग्रामस्थ उपस्थित होते.

सम्राट अशोक नगर येथे घरदुरुस्ती शुभारंभ..

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ] कार्यकारी संपादक : अमर भागवत

नारायणगाव : 

                 येथील सम्राट अशोक नगर मधील १५ घरकुलांची घरदुरुस्ती शुभारंभ जि.प.सदस्या आशाताई बुचके व लोकनियुक्त सरपंच योगेश बाबुभाऊ पाटे यांच्या शुभहस्ते करणेत आले.

याबाबतचे सविस्तर वृत्त असे कि,सम्राट अशोक नगरमध्ये इंदिरा आवास योजनेतून सन १९९२ मध्ये १५ घरकुले मागासवर्गीयांसाठी बांधणेत आली होती, तेव्हापासून आजतागायत त्यामध्ये सदर घरकुलधारक राहत होते परंतु सद्यस्थितीत सदर घरांची मोठ्या प्रमाणात पडझड झाले असलेबाबत स्थानिकांनी ग्रामपंचायत सदस्य राजेशभैय्या बाप्ते, सुप्रिया खैरे, विजय वाव्हळ यांचे निदर्शनास आणून दिले. सदस्यांनी स्थळ करून वस्तुस्तिथी लोकनियुक्त सरपंच योगेश पाटे यांना सांगितले त्यावर सरपंच यांनी तात्काळ घरकुल दुरुस्तीचा प्रस्ताव जि.प.सदस्या आशाताई बुचके यांचेकडे पाठविला. 

आशाताई बुचके यांच्या विशेष प्रयत्नातून जि.प.मार्फत सदर घरकुल दुरुस्तीसाठी ७.५० लाख रुपये निधी मंजूर करण्यात आला.या घरकुल दुरुस्तीचा शुभारंभ व भूमिपूजन जि.प.सदस्या आशाताई बुचके व सरपंच योगेश पाटे यांच्या शुभास्ते नुकताच संपन्न करणेत आला.

यावेळी विघ्नहर साखर कारखान्याचे संचालक संतोषनाना खैरे,विरोबा परिवाराचे अध्यक्ष बाळासाहेब पाटे,पंचायत समिती सदस्या अर्चना माळवदकर,उपसरपंच मानिशा मेहेत्रे,ज्येष्ठ नागरिक संघाचे अध्यक्ष रमेश पाटे,तंटामुक्ती गाव समिती अध्यक्ष ज्ञानेश्वर औटी,ग्रामपंचायत सदस्य आरिफ आतार,संतोष दांगट,गणेश पाटे,सुप्रिया खैरे,पुष्पा आहेर,संगीता खैरे,आशिष माळवदकर अनिल खैरे,हेमंत कोल्हे,रोहिदास भुजबळ इत्यादी मान्यवर उपस्थित होते.
कार्यक्रमाचे सूत्र संचालन ज्ञानेश्वर औटी,संकेत क्षीरसागर यांनी तर आभार राजेश भैय्या बाप्ते यांनी मानले..

नगर-कल्याण महामार्गावरील अपघातात २ ठार तर ५ जखमी

फोटो - नगर कल्याण महामार्गावर पेमदरा गावच्या हद्दीत अपघात झालेल्या मोटार कारची दुरावस्था ( छाया - विजय चाळक)
                                                                       आळेफाटा ( वार्ताहर )  

                            नगर कल्याण महामार्गावर पेमदरा गावच्या हद्दीत स्विफ्ट डिझायर मोटारकारच्या अपघातामध्ये दोन जण ठार तर पाचजण जखमी झाले असून म्रुतांमध्ये एका महिलेचा व मुलाचा समावेश आहे ही घटना रविवारी पहाटे पाच वाजण्याच्या सुमारास घडली 
याबाबत आळेफाटा पोलिस ठाण्याचे ठाणे अंमलदार शंकर भवारी यांनी दिलेली माहिती अशी की पारनेर तालुक्यातील कर्जुले येथील आंधळे कुटुंबीय स्विफ्ट मोटार कार ( क्र.एम एच १६ बी सी १३९९) मुंबईहून गावाकडे जात असताना नगर कल्याण महामार्गावर पेमदरा गावच्या हद्दीत वाहन चालकाचा गाडीवरील ताबा सुटून मोटारकार रस्त्याच्या कडेला असलेल्या खांबावर जोरात आदळून अपघात झाला या अपघातामध्ये शुभांगी आषिश आंधळे ( वय ३०) व यश सचिन आंधळे ( वय ११ वर्ष दोघेही रा कर्जुले ता पारनेर जि.अहमदनगर हे दोघेजण ठार झाले तर आषिश भास्कर आंधळे ( वय ३५ वर्ष) सचिन भिमा आंधळे( वय ३६वर्ष) प्राप्ती संजय आंधळे ( वय ११वर्ष) शिल्पा सचिन आंधळे ( वय ३०वर्ष) व आराध्या आषिश आंधळे (.वय ११वर्ष सर्वजण रा कर्जुले ता पारनेर जि.अहमदनगर)  हे जखमी झाले असून त्यांच्यावर आळेफाटा येथील एका खाजगी रूग्णालयात उपचार सुरु आहेत या अपघाताची फिर्याद मुरलीधर किसन औटी रा. राजुरी ता. जुन्नर जि.पुणे यांनी दिली असून पुढील तपास आळेफाटा पोलिस ठाण्याचे पोलिस निरीक्षक टी वाय मुजावर यांच्या मार्गदर्शनाखाली पोलिस उपनिरिक्षक एस ए डौले करत आहेत 

नारायणगाव येथे पत्रकारिता कार्यशाळा उत्साहात संपन्न

ग्राहक समाचार ( साप्ताहिक / वेब चॅनल) [ ग्राहक संरक्षण समितीचे खुले व्यासपीठ ]
कार्यकारी संपादक : अमर भागवत
          नारायणगाव - दत्तोपंत ठेंगडी नॅशनल बोर्ड फॉर वर्कर्स एज्युकेशन अँड डेव्हलपमेंट, ग्रामोन्नती मंडळाचे कृषी शिक्षण संकुलाचे डिप्लोमा इन ॲग्रीकल्चर जर्नालिजम, अखिल मराठी युवा पत्रकार संघ, महाराष्ट्र राज्य य‍ांच्या विद्यमाने कै.जमादार बापु लक्ष्मण लामखडे यांच्या स्मरणार्थ 'एक दिवसीय प्रिंट व इलेक्ट्रॉनिक मिडीया पत्रकारिता कार्यशाळा उत्साहात संपन्न झाली. या कार्यशाळेचे' आयोजन नारायणगाव कृषी विद्यालय येथे करण्यात आले होते.
                 या कार्यशाळेला मुंबई सकाळचे निवासी संपादक रवि आमले, साम टीव्हीच्या सोनाली शिंदे, दत्तोपंत ठेंगडी बोर्डचे प्रदीप मुन, भारतीय सीमा शुल्क विभागाचे अधीक्षक मोहन शिरकर, मुंबई पोर्ट युनियनचे मारुती विश्वासराव, पशुवैद्यकीय अधिकारी डाॅ.बाळासाहेब लामखडे, बाळकृष्ण लोहोटे, प्राचार्य राधाकृष्ण गायकवाड, पत्रकार रविंद्र पाटे, अखिल मराठी युवा पत्रकार संघाचे राज्याध्यक्ष प्रा.अशफाक पटेल, सचिव अॅड.कुलदिप नलावडे, सहसचिव राहुल घाडगे, यांसह कार्यशाळेला जुन्नर, आंबेगाव, खेड, पारनेर यांसह पुण्यातील पत्रकार व पत्रकारितेचे विद्यार्थी मोठ्या संख्येने उपस्थित होते.

         या कार्यशाळेचे उद्घाटन दिपप्रज्वलन व प्रतिमा पुजनाने उपस्थित मान्यवरांच्या हस्ते संपन्न झाले.
         यावेळी उपस्थित मान्यवरांचा पर्यावरण जनजागृतीचा संदेश देत वृक्ष देऊन सत्कार करण्यात आला. यानिमित्ताने उपस्थितांना कै.जमादार बापु लक्ष्मण लामखडे यांचा जीवनपट दाखवण्यात आला. तसेच बाळकृष्ण लोहोटे यांनी कै.लामखडे यांच्या कार्याविषयी माहिती सांगितली.

              या कार्यशाळेचे प्रास्ताविक करताना अखिल मराठी युवा पत्रकार संघाचे राज्याध्यक्ष प्रा.अशफाक पटेल यांनी सोशल मिडियामुळे प्रत्येकजण पत्रकार झाला. परंतु पत्रकारितेत बातमी संकलन ते संपादनातील छोट्या मोठ्या गोष्टी, पत्रकारीतेतील समस्या ग्रामीण भागात कार्यरत असणार्‍या पत्रकारांना शिकायला मिळाव्यात व त्यातुन अधिक चांगल्या आणि सकारात्मक पद्धतीने काम करता यावे यासाठी पत्रकार कार्यशाळेचं आयोजन करण्यात आल्याची माहिती देत प्रास्ताविक केले.

            पहिल्या सत्रात दत्तोपंत ठेंगडी नॅशनल बोर्ड फाॅर एज्युकेशन अॅड डेव्हलपमेंटचे प्रादेशिक संचालक प्रदीप मुन यांनी त्यांच्या विभागामार्फेत राबविण्यात येणार्‍या कार्यक्रमांची माहिती देत पत्रकार हे देशाचं भविष्य आहे. पत्रकारांच्या लेखनीत प्रचंड ताकद आहे पण त्याने त्याचा वापर चांगल्या पद्घतीने करायला हवा. पत्रकारांच्या हातुन चांगलं काम व्हावं यासाठी ही कार्यशाळा महत्वाची आहे. फक्त ज्ञान असुन उपयोग नाही तर ज्ञानाचा योग्य वापर करता येणं महत्वाचं आहे. त्यासाठी वेळोवेळी अशा कार्यशाळा व्हायला हव्यात असे सांगत कार्यशाळेचे कौतुक केले.

          दुसर्‍या सत्रात बोलताना मुंबई सकाळचे निवासी संपादक रवि आमले यांनी पत्रकारितेचं स्वरुप बदलत असुन सोशल मिडीयाने पत्रकारांचं काम कमी केलं अाहे. त्यामुळे आजच्या तंत्रज्ञानाच्या युगात पत्रकारितेच्या समोरील आव्हानांना कसे सामोरे जावे हे समजुन घेणं महत्वाचं असुन पत्रकारितेची कमी होत असलेली विश्वासार्हता सांभाळणे सद्यस्थितीत महत्वाचे आहे. पत्रकाराने मुल्य पाळुन पत्रकारिता करायला हवी. तसेच पत्रकारितेत टिकण्यासाठी वाचन वाढवायला हवं असे सांगत उपस्थित पत्रकारांना पत्रकारितेसमोरील आव्हाने आणि सद्यस्थिती आणि प्रिंट मिडियाची कार्यपद्धती या विषयावर मार्गदर्शन केले.

            तसेच या कार्यशाळेच्या तिसर्‍या सत्रात साम टीव्ही मुंबईच्या पत्रकार सोनाली शिंदे यांनी पत्रकारितेविषयी नकारात्मक भावना असताना या पत्रकार कार्यशाळेला एवढी मोठी उपस्थिती हे या कार्यशाळेचं यश आहे. असं सांगत कार्यशाळेचं कौतुक करत टीव्ही आणि इलेक्ट्राॅनिक मिडीयातीचं काम कसं चालतं कोणकोणते विभाग कशापद्धतीने कार्यरत असतात याविषयी प्रात्यक्षिकासह सविस्तर आणि महत्वपुर्ण मार्गदर्शन केले.

           या कार्यशाळेच्या समारोप उपस्थितांना प्रमाणपत्र वितरण व पत्रकार संघ व शिवनेर प्राईमच्या नियुक्त्या जाहीर करण्यात अाल्या. यावेळी अखिल मराठी युवा पत्रकार संघाच्या जुन्नर तालुका अध्यक्षपदी अभय वारुळे, आंबेगाव तालुका अध्यक्षपदी संतोष पाचपुते यांची तर शिवनेर प्राईमच्या सांस्कृतिक संपादकपदी मंगेश फाकटकर, कार्यकारी संपादकपदी गणेश मोढवे यांची नियुक्ती शिवनेर प्राईमचे मुख्य संपादक व अखिल मराठी युवा पत्रकार संघाचे राज्याध्यक्ष प्रा.अशफाक पटेल यांच्या मार्गदर्शनाने करण्यात आली. यानिमित्तानं उपस्थित मान्यवरांच्या हस्ते त्यांचा सत्कार करण्यात आला.

             याकार्यशाळेचे आभार प्रदर्शन डाॅ.सत्यवान थोरात व अभय वारुळे यांनी मानले, तर सुत्रसंचालन गणेश मोढवे यांनी केले.