जुगार अड्ड्यावर नारायणगाव पोलिसांचा छापा !1,44,450 रुपयेचा मुद्देमाल हस्तगत!

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

नारायणगाव | दि.26/6/2020 रोजी मौजे शिरोली गावचे हद्दीत खडसर माळा तालुका जुन्नर जिल्हा पुणे येथे काही इसम बेकायदा व विनापरवाना रम्मी नावाचा जुगार पैशावर खेळत असताना मिळून आल्याने त्यांना ताब्यात घेण्यात आले आहे व त्यांच्याकडून 1,44,450 रुपयेचा मुद्देमाल हस्तगत करण्यात आला आहे अशी माहिती नारायणगाव पोलिस स्टेशनचे सहाय्यक पोलिस निरीक्षक अर्जुन घोडे पाटील यांनी दिली.

             1)सचीन पांडुरंग जावळे  2) बाळू भाऊ जाधव  3) बबन नाशिर बेपरी  4 ) गवस बंडू भाई इनामदार 5) सुरेश भाऊ खराडे 6) नंदकुमार वसंत डावखर 7) राजेंद्र शंकर जाधव अशी आरोपींची नावे आहेत.

              याबाबत संतोष अंकुश दुपारगुडे पो.कॉ. 1344 नारायणगाव पोलीस स्टेशन यांनी फिर्याद दिली आहे.

               पोलिसांनी दिलेल्या माहितीनुसार दि.26 रोजी  शिरोली गावचे हद्दीत खडसर माळा येथे पत्र्याच्या शेड मध्ये सदर आरोपी हे बेकायदा बिगर परवाना रम्मी नावाचा जुगार पैशावर खेळत असताना एकूण 11 हजार रोख रक्कमेसह 5 मोटार सायकल असा  1,44,450 रुपये चा माल व जुगाराचे  साधने मिळून आले आहेत. त्यांच्यावर म.जु. प्र.कायदा  कलम 12(अ)नुसार गुन्हा दाखल करण्यात आला आहे.

                सदरची कारवाई जुन्नर उप विभागीय अधिकारी  दीपाली खन्ना यांच्या मार्गदर्शनाखाली सपोनि घोडेपाटील , पोना शिंदे, पोशी दुपारगुडे , पोशी वाघमारे यांनी केली आहे.

         

धनगरवाडी येथे बेकायदेशीर व विनापरवाना देशी दारू विक्री ! नारायणगाव पोलिसांचा छापा !

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

 नारायणगाव | धनगर वाडी येथे देशी दारूची विक्री करणाऱ्या एकाला नारायणगाव पोलिसांनी ताब्यात घेऊन त्याच्याकडून 3 हजार 796 रुपये किमतीच्या 73 बाटल्या हस्तगत केल्या.अशी माहिती नारायणगाव पोलीस स्टेशनचे सहाय्यक पोलीस निरीक्षक अर्जुन घोडे पाटील यांनी दिली.

          दशरथ रघुनाथ शेळके वय 54 धनगरवाडी ता जुन्नर जि पुणे याच्यावर मुंबई  प्रोहिबिशन कलम 65(ई) नुसार गुन्हा दाखल केला आहे 

      याबाबतची फिर्याद पोलीस कॉन्स्टेबल स्वप्निल लोहार यांनी दिले आहे.

       मिळालेल्या माहितीनुसार धनगरवाडी गावच्या हद्दीत विघ्नहर साखर कारखान्याच्या टॉवर जवळ एका पत्र्याच्या शेडच्या आडोशाला दशरथ शेळके हे बेकायदेशीररीत्या विनापरवाना देशी दारू चोरून विक्री करीत असल्याची माहिती मिळाल्यानंतर पोलीस सहाय्यक फौजदार केंगले,पोलीस कॉन्स्टेबल,सचिन कोबल, नवीन अरगडे, स्वप्निल लोहार यांनी छापा टाकला असता दोन खाकी रंगाच्या बॉक्समध्ये देशी संत्रा जी एम कंपनीच्या 3 हजार 796 रुपये किमतीच्या प्लास्टिकच्या बाटल्या बाटल्या पोलिसांनी जप्त केल्या आहेत.पुढील तपास नारायणगाव पोलिस करीत आहेत

केमिकलयुक्त ताडी विक्री करणाऱ्याला अटक !14,000 रुपये किमतीची 140 लिटर ताडी जप्त!

 ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

   नारायणगाव| येडगाव हद्दीतील जांबुत फाटा येथे बेकायदा आणि विनापरवाना केमिकलयुक्त ताडी विक्री करणाऱ्या एकाला ताब्यात घेऊन त्याच्याकडून केमिकलयुक्त 14,000 रुपये किमतीची 140 लिटर ताडी नारायणगाव पोलिसांनी जप्त केली आहे.अशी माहिती नारायणगाव पोलिस स्टेशनचे सहाय्यक पोलीस निरीक्षक अर्जुन घोडे पाटील यांनी दिली.     ताडी विक्री प्रकरणी राजू शंकर भंडारी वय 41 राहणार भोरवाडी येडगाव तालुका जुन्नर जिल्हा पुणे याच्यावर गुन्हा दाखल केला आहे.

       याबाबतची फिर्याद पोलीस कॉन्स्टेबल सचिन कोबल यांनी दिली आहे याबाबत मिळालेल्या माहितीनुसार पुणे नाशिक महामार्गावरील येडगाव हद्दीतील जांबुतफाटा येथे दि.25 रोजी सायंकाळी 7 च्या सुमारास एका घराच्या आडोशाला राजू भंडारी याने घरीच काही पावडर व केमिकल टाकून बनवलेली बेकायदा व विनापरवाना केमिकलयुक्त ताडी तयार करून विक्री करीत होता.

      सहाय्यक फौजदार पोलीस हवालदार सचिन कोबल, नवीन अरगडे,स्वप्निल लोहार या पोलिस पथकाने छापा टाकून त्याला ताब्यात घेतले. या छाप्यात पोलिसांनी 14,000 रुपये किमतीचे एकूण 140 लिटर चार काळे व निळे रंगाचे कॅन हस्तगत केली आहे.

"गांजाची तस्करी करणाऱ्या वाहनास सिनेस्टाईल पाठलाग करून पकडले"LCB पुणे ग्रामीण ची कारवाई.

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

   दिनांक 23/6/2020 रोजी पुणे ग्रामीण स्थानिक गुन्हे शाखेचे पथक हे नाशिक रोडने पेट्रोलिंग करीत असताना त्यांना नारायणगाव पोलीस स्टेशनच्या हद्दीत ST स्टँड जवळ आले असता एक पांढऱ्या रंगाची तवेरा गाडी  MH 12 DT 3370 पिवळी नंबर प्लेट असलेली भरधाव वेगात व रहदारीच्या नियमाकडे दुर्लक्ष करून जोरात पुण्याच्या दिशेने  जाताना दिसली त्या चालकाची हालचाल संशयास्पद वाटल्याने त्या गाडीचा पाठलाग करून मांजरवाडी फाट्याजवळ पकडले व गाडीची झडती घेतली असता त्यामध्ये एकूण 22 किलो गांजा (11पुडे पॅकींग केलेले प्रत्येकी 2 किलो) मिळून आल्याने चालकास त्याचे नाव गाव विचारले असता त्याने त्याचे नाव सिद्धेश दत्तात्रय शिंदे रा.चाकण ता.खेड जि. पुणे असे सांगितल्याने तिथून नारायणगाव पोलीस ठाण्यात आणून योग्य ती कायदेशीर प्रक्रिया करून रात्री गुन्हा नोंद करण्यात आला असून 03 लाख 30  रुपये किंमतीचा गांजा व अंदाजे 03 लाख 30 हजार रुपये किमतीची जुनी वापरती तवेरा गाडी असा एकूण 06 लाख 30 हजार रुपये किंमतीच्या मुद्देमालासह आरोपीस वैद्यकीय तपासणी करून पुढील तपासकामी नारायणगाव पोलीस स्टेशन येथे हजर केले आहे.

         

        सदर कामगिरी पुणे ग्रामीण स्थानिक गुन्हे अन्वेषण विभागाचे वरिष्ठ पोलीस निरीक्षक श्री.पद्माकर घनवट सो यांच्या आदेशानुसार, पोलिस उपनिरीक्षक रामेश्वर धोंडगे, सहाय्यक फौजदार दत्तात्रय जगताप, पोलिस हवालदार सुनील जावळे, पोलिस शिपाई अमोल शेडगे, मंगेश भगत यांनी केली.

                पुढील तपास हा नारायणगाव पोलिस स्टेशन चे प्रभारी अधिकारी सपोनि.अर्जुन घोडेपाटील हे करीत आहेत.

निमगावसाव्यात सरकारी अधिकारी व पोलीस दलाचा लोगो वापरून बनावट प्रवासी पासची विक्री करणाऱ्याला पोलिसांनी घेतले ताब्यात

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

नारायणगाव | नारायणगाव पोलीस स्टेशन हद्दीतील निमगाव सावा ता. जुन्नर येथे दि. 20/06/2020 रोजी अनिस महम्मदहनिफ पटेल (वय 24 वर्षे) धंदा फोटो स्टुडिओ रा. निमगावसावा ता. जुन्नर जि.पुणे याने त्याच्याअनिस फोटो स्टुडीओ निमगावसावा येथे स्वतःच्या आर्थिक फायदया करीता लॉक डाउन मध्ये जिल्हा बंदी असताना सरकारी अधिकारी तसेच पोलीस दलाच्या चिन्हांचा वापर करून कोणतीही सरकारी परवाणगी नसताना अनाधिकृत पणे त्याच्या फोटो स्टुडिओ मध्ये ऑनलाईन बनावट आंतरजिल्हा प्रवासी पास तयार करून  येणाऱ्या ग्राहकांची फसवणुक करून ते पास विक्री करत असताना मिळून आल्याने   त्याच्या  विरुद्ध कायदेशीर कारवाई करण्यात आली आहे.   

        अशी माहिती नारायणगाव पोलीस स्टेशनचे सहाय्यक पोलीस निरीक्षक अर्जुन घोडे पाटील यांनी दिली.

      याबाबत संतोष अंकुश दुपारगुडे पो.कॉ. नारायणगाव पोलीस स्टेशन यांनी फिर्याद दिली आहे.

         आरोपीकडून १) १०,०००/ -  रु किं एक काळ्या रंगाचा लॅपटॉप जु वा कि अं २) २३,०००/ -  रु किं काळ्या रंगाचा मॉनिटर व सीपीयु जु वा कि अं

३) १२,०००/ -  रु किं दोन इप्सम कंपनीचे काळ्या रंगाचे कलर प्रिंटर जु वा कि अं ४) ५००/ -  रु किं एक डेल कंपनीचा काळ्या रंगाचा किबोर्ड व माऊस जु वा कि अं ५) १००/ -  रु किं एक निळ्या रंगाची कचरा असलेली डस्टबीन जु वा कि अं.एकूण ४५,६००/ - रू किंमत येणे प्रमाणे वरील वर्णनाचे साहीत्य जप्त करण्यात आले आहे.

        आरोपीवर भा.द.वि.क. 188,269,

270,420,465,466,468 कोविड-19 उपाय योजना 2020 नियम 11 प्रमाणे 2,3,4 आपत्ती व्यवस्थापण 2005 कलम 51(2) प्रमाणे.गुन्हा दाखल करण्यात आला असून पुढील तपास पो.ना. आर.व्ही. शिंदे हे करीत आहेत.

अवैधरित्या दारू व बियरची वाहतूक! १,१८,६८० रुपये किमतीचा मुद्देमाल जप्त! नारायणगाव पोलिसांची कारवाई.

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

नारायणगाव पोलीस स्टेशन हद्दीमध्ये दि.२० रोजी खोडद रोड बायपास येथे नाका बंदी दरम्यान देशी दारू व बियरची अवैधरित्या वाहतूक करत असलेल्या  इसमास ताब्यात घेण्यात आले असून त्याच्याकडून अंदाजे १,१८,६८० रुपये किमतीचा मुद्देमाल जप्त करण्यात आला आहे. अशी माहिती नारायणगाव पोलीस स्टेशन चे सहाय्यक पोलीस निरीक्षक अर्जुन घोडे पाटील यांनी दिली.

         

     याबाबत सविस्तर माहिती अशी की, दि. २०/६/२०२० रोजी  नारायणगाव पोलीस स्टेशन हद्दीत सपोनि घोडे पाटील यांच्या सह पोलीस स्टाफ खोडद रोड बायपास जवळ नाकाबंदी करीत असताना नारायणगाव बाजुने एक छोटा हत्ती ( माल वाहू ट्रक) येताना दिसला म्हणून त्याला थांबण्याचा इशारा केला असता तो पुढे जावून थांबला म्हणून शंका आल्याने  गाडीची तपासणी केली असता त्यामध्ये देशी दारूच्या तसेच बिअरच्या बाटल्या चे बॉक्स दिसून आल्याने सदर गाडी व माल पोलीस स्टेशनला घेवून येवून पंचा समक्ष पंचनामा करण्यात आला त्यावेळी एकूण देशी व बिअरच्या बाटल्या असा एकूण २८,६८० / - रू प्रोव्हीजन चा माल व ९०,०००/ - चा छोटा हत्ती नं एम एच १४ डि.एम २०२७ असे माल जप्त केला असून आरोपी नामे लक्ष्मण सुखदेव ढोबळे वय २८ वर्षे रा पारगाव शिंगवे ता. आबेगाव जि.पुणे यांना अटक केली असून त्याचे कडुन एकूण १,१८,६८० / - रू मुद्देमाल जप्त केला आहे 

           सदर कामगिरी मा. दिपाली खन्ना मॅडम उपविभागीय अधिकारी जुन्नर यांच्या मार्गदर्शना खाली अर्जुन घोडे पाटील स.पो.नि. ना. गाव पो. स्टे पो.हवा. काठे, होम राजगुरू यांनी केली

आळेफाटा पोलिसांची मोठी कारवाई १६०० किलो गोमांस जप्त !

ग्राहक समाचार News Portal

(अखिल भारतीय ग्राहक संरक्षण समिती चे खुले व्यासपीठ)

कार्यकारी संपादक : श्री. अमर भागवत

(अध्यक्ष : अ.भा.ग्राहक संरक्षण समिती जुन्नर तालुका)

पुणे व अहमदनगर या दोन जिल्ह्याच्या हद्दीच्या असलेल्या आळेखिंड (ता. जुन्नर) येथे नाकाबंदी दरम्यान आळेफाटा पोलिसांनी गोमांसची वाहतूक करणारा टेम्पो पकडला असून त्यामधून १६०० किलो गोमांस व टेम्पो असा एकूण ११ लाख २० हजार रूपयांचा मुद्देमाल जप्त करण्यात आला आहे गेल्या वीस दिवसात ही तिसरी कारवाई झाल्याने आळेफाटा पोलिस ठाण्याचे कर्तव्यदक्ष पोलिस अधिकारी टी वाय मुजावर आणि त्यांच्या टीमचे सर्वत्र कौतुक होत आहे.

       याबाबत सविस्तर आळेफाटा पोलिस ठाण्याकडून मिळालेली माहिती अशी की शनिवारी ( दि२० )  पहाटे पुणे जिल्हा हद्द आळेखिंड येथे आळेफाटा पोलिस ठाण्याचे वरीष्ठ पोलिस निरीक्षक टी वाय मुजावर आणि त्यांचे सहकारी नाकाबंदी करताना  पुणे नाशिक महामार्गावरुन संगमनेर येथून मुंबईकडे जात असलेला भाजीपाल्याचा आयशर टेम्पो ( क्रमांक  एम एच ०४  जे के ५०३५ ) मधून  पाठीमागच्या बाजूला खाली पाणी पडत असल्याचे दिसून आले त्यामुळे संशय आल्याने टेम्पो चालकाकडे विचारपूस केली असता त्याने सुरुवातीला उडवा उडवीची उत्तरे दिली. त्यानंतर पोलिस निरीक्षक मुजावर यांनी  आळेखिंड चेकपोस्ट येथील लाईटचे उजेडात आयशर टेम्पो मधील भाजीपाला पाठीमागून काढून तपासणी केली असता आतमध्ये गोवंशाचे  मांस असल्याचे निदर्शनास आले.सदर चालकास त्याचे नाव पत्ता विचारता त्याने आपले नाव जहीर इस्माईल कुरेशी,वय 38,रा.साकी विहार रोड, मुंबई असे असल्याचे सांगितले. सदर टेम्पो मध्ये असलेले गोवंश कत्तलीचे मांस पाहणी करून वजन केले असता एकुण  सोळाशे किलो वजनाचे गोमांस 

मिळून आले या बाबत आळेफाटा पोलिसांनी सुमारे तिन लाख वीस हजार किमतीचे गोमांस व आठ लाख रुपये किमतीचा आयशर टेम्पो असा एकूण ११ लाख २० हजार रुपये किंमतीचा मुद्देमाल जप्त करण्यात आला असून या प्रकरणी आळेफाटा पोलिस ठाण्यात चालक जहीर इस्माईल कुरेशी, रा.साकी विहार रोड,मुंबई याचे विरुद्ध प्राणी संरक्षण अधिनियम अन्वये गुन्हा दाखल करण्याची प्रक्रिया सुरु असल्याचे पोलिस निरीक्षक टी वाय मुजावर यांनी सांगीतले 

आळेफाटा पोलिसांनी १ जून रोजी आळे येथे छापा टाकून सुमारे पाचशे किलो गोमांस जप्त केले होते व कत्तलीसाठी चालविलेल्या आठ जनावरांची सुटका केली होती व त्यानंतर १७ जून रोजी पुन्हा आळे येथे छापा टाकून सहाशे चाळीस किलो गोमांस जप्त करुन तीन जनावरांची सुटका केली होती तर आज पुन्हा ३ लाख २० हजार रूपये किमतीचे गोमांस पकडून सर्वात मोठी कारवाई केली आहे त्यामुळे आळेफाटा पोलिस ठाण्याचे कर्तव्यदक्ष वरीष्ठ पोलिस निरीक्षक टी वाय मुजावर यांचे आणि त्यांच्या सर्व टीमचे सर्वत्र कौतुक होत आहे

८२ हजार रूपयांची चोरी करून फरार झालेल्या आरोपीस तीन तासात केले अटक ! नारायणगाव पोलिसांची कामगिरी

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक: श्री.अमर भागवत

[अध्यक्ष : अ. भा. ग्राहक संरक्षण समिती जुन्नर तालुका]

नारायणगाव | (दि.१८) दूध वाहतूक करणाऱ्या वाहनामधून पैशांची पिशवी चोरून नेल्या प्रकरणी चालकावर नारायणगाव पोलीस ठाण्यात नुकताच गुन्हा दाखल करण्यात आला. गुन्हा दाखल झाल्यानंतर अवघ्या तीन तासात नारायणगाव पोलिसांनी पैशाची पिशवी चोरणाऱ्या आरोपीला अटक करण्यात यश मिळवले आहे अशी माहिती नारायणगाव पोलिस स्टेशनचे सहाय्यक पोलीस निरीक्षक अर्जुन घोडे पाटील यांनी दिली.

   

       याबाबत माहिती अशी की दिनांक १७ जून रोजी नारायणगाव पोलीस स्टेशन गुन्हा रजिस्टर नंबर १८६/२०२० भा. द. वि. कलम ३८१ अन्वये गुन्हा दाखल झाला असून सदरचा गुन्हा हा पुणे नाशिक महामार्गा लगत असलेल्या नारायणगाव येथील एलआयसी आॅफीस समोर झाला आहे.
आरोपी शिवाजी कारभारी आहेर याने संगमनेर येथील एस आर थोरात मिल्क प्रोडक्टस कंपनी च्या वाहन क्रमांक एम.एच. १७ बी.डी. ६२७३ या वाहनामधून ८२,८७०/- रूपये असलेली पिशवी घेवुन तसेच ते वाहन तेथेच सोडून फरार झाला होता.
         याबाबत नारायणगाव पोलीस स्टेशन येथे एस आर थोरात मिल्क प्रॉडक्ट्स कंपनी, संगमनेर चे वाहतूक व्यवस्थापक संजय प्रभाकर हिंगणकर यांनी फिर्याद दिली होती. त्या अनुषंघाने तात्काळ नारायणगाव पोलीस स्टेशनचे सहाय्यक पोलीस निरीक्षक अर्जुन घोडे पाटील यांचे आदेशाने पोलीस नाईक रामचंद्र शिंदे, धनंजय पालवे, पोलीस कॉन्स्टेबल सचिन कोबल यांचे पथक तपासकामी रवाना झाले. त्यावरुन या टिमने आरोपीचे फोटो व सीडीआर माहितीच्या आधारे दिनांक १७ जून रोजी आरोपीचा शोध सुरू केला असता चाकण, आळंदी, दिघी भोसरी परीसरात आरोपी वारंवार लोकेशन बदलत असताना रात्री १०.३० वाजण्याच्या सुमारास नाशिक फाटा येथे आरोपी शिवाजी आहेर हा बसची वाट पहात बस स्टाॅपवर बसलेला दिसला. त्यास पोलीसांची चाहुल लागताच तो पळुन जावु लागला. त्याचवेळी तपास पथकाने पाठलाग करून त्यास शिताफीने पकडले. तसेच त्यास विश्वासात घेवुन चौकशी केली असता त्यांने ८२,८७०/- रूपये रक्कम चोरी केल्याची कबुली दिली. त्याची अंगझडती घेतली असता त्याच्याकडे चोरी केलेल्या रकमेपैकी ७३ हजार रुपये रोख रक्कम मिळून आली.ती रक्कम जप्त करण्यात आली असून आरोपीस अटक करून न्यायालयात हजर केले आहे.
        सदर जिल्हा पोलीस अधिक्षक संदिप पाटील, अपर पोलीस अधिक्षक विवेक पाटील, उपविभागिय पोलीस अधिकारी दिपाली खन्ना यांचे मार्गदर्शनाखाली सहायक पोलिस निरिक्षक अर्जुन घोडे पाटील, सायबर सेलचे साहेब पोलीस निरीक्षक महेश चव्हाण, पोलिस नाईक रामचंद्र शिंदे, धनंजय पालवे, पोलिस काॅन्स्टेबल सचिन कोबल यांनी केली. पुढील तपास पोलिस हवालदार संतोष कोकणे हे करीत आहेत.

व्यावसायिकाचा निर्घुण खून करून फरार झालेले आरोपी शिताफीने ताब्यात.पुणे ग्रामीण दहशतवाद विरोधी पथक व सिंहगड रोड पोलिस स्टेशन पुणे शहर यांची संयुक्त कारवाई

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

            ( दि.१५ )   पुणे ग्रामीण दहशतवाद विरोधी पथकाचे चे सहाय्यक पोलीस निरीक्षक  अर्जुन मोहिते हे आपल्या पथकासह खेड शिवापुर परिसरात गस्त करीत असताना दहशतवाद विरोधी पथकाचे मोसिन शेख  यांना गोपनीय बातमी मिळाली की  (दि १२) रोजी नऱ्हे पुणे शहर येथील 

सुनील लांघोरे या व्यावसायिकाचा खून करून फरारी झालेले आरोपी संतोष रामचंद्र नाक्ती राहणार- गावडदरा तालुका हवेली जिल्हा पुणे (वय २८ ) व सुधीर राजाराम कामठे राहणार- कुसगाव तालुका भोर जिल्हा पुणे (वय २४) हे दोन्ही आरोपी कुसगाव तालुका भोर जिल्हा पुणे या ठिकाणी एका शेतामध्ये झोपडीवजा घरांमध्ये लपून बसल्याची माहिती मिळाली होती.

       

      (मृत व्यक्ती)

      सदर बातमी मिळाल्यानंतर  सदर माहिती त्याच परिसरामध्ये आरोपींच्या शोधात असलेले सिंहगड रोड पोलीस स्टेशनचे डीबी पथकाचे  सहाय्यक पोलीस निरीक्षक चेतन थोरबोले यांच्याशी संपर्क करून त्यांचा पथकास घेऊन सदर आरोपींना  माहिती मिळालेल्या ठिकाणी  सापळा रचून ताब्यात घेण्यात आले व पुढील कारवाईसाठी सिंहगड रोड पोलीस स्टेशनचे ताब्यात देण्यात आले आहे. अशी माहिती दहशतवाद विरोधी पथकाचे सहाय्यक पोलीस निरीक्षक अर्जुन मोहिते यांनी दिली.

( आरोपी)

                सदर कारवाई  पुणे ग्रामीणचे पोलीस अधीक्षक संदीप पाटील, अप्पर पोलीस अधीक्षक विवेक पाटील, स्थानिक गुन्हे शाखेचे पोलीस निरीक्षक पद्माकर घनवट, सिंहगड रोड पोलिस स्टेशनचे वरिष्ठ पोलीस निरीक्षक नंदकुमार शेळके यांच्या मार्गदर्शनाखाली पुणे ग्रामीण दहशतवाद विरोधी पथकाचे सहायक पोलीस निरीक्षक अर्जुन मोहिते, सहाय्यक पोलीस निरीक्षक चेतन थोरबोले सिंहगड रोड पोलीस स्टेशन ,दहशतवाद विरोधी पथकाचे सहाय्यक पोलीस उपनिरीक्षक राजू पवार, पोलीस नाईक विशाल भोरडे, मोसिन शेख, लक्ष्मण राऊत तसेच सिंहगड रोड पोलीस स्टेशनचे पोलीस स्टेशनचे डीबी पथक यांनी केली

काही दिवसांपूर्वी दि.९ रोजी जुन्नर तालुक्यातील नारायणगाव येथे जमिनीच्या वादातून सख्या चुलत भावाचा खून करून फरार झालेला आरोपीला २४ तासाच्या आत मध्ये ताब्यात घेऊन पुणे ग्रामीण दहशतवाद विरोधी पथक व नारायणगाव पोलिस स्टेशन यांनी संयुक्तरित्या मोठी कामगीरी बजावली आहे.

खून करून फरार झालेला आरोपी २४ तासाच्या आत मध्ये ताब्यात.पुणे ग्रामीण दहशतवाद विरोधी पथक व नारायणगाव पोलिस स्टेशन यांची संयुक्त कारवाई.

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ. भा. ग्राहक संरक्षण समिती जुन्नर तालुका]

          नारायणगाव पोलीस स्टेशन हद्दीतील आनंदवाडी, वारूळवाडी येथील अमोल उर्फ पामर भुजबळ (वय २८) याने महेश धनराज भुजबळ (वय २२) या आपल्या सख्ख्या चुलत भावाचा कुर्‍हाडीने डोक्यात व मानेवर घाव घालून खून करून आरोपी फरार झाला होता. ही घटना दि. ०९  रोजी दुपारी घडली होती.

            खून करून फरार झालेल्या आरोपीला पुणे ग्रामीण दहशतवाद विरोधी पथकाने आज दि.१० रोजी नारायणगाव पोलीसपोलीस स्टेशन च्या मदतीने २४ तासाच्या आत ताब्यात घेतले आहे. अशी माहिती दहशतवाद विरोधी कक्षाचे सहाय्यक पोलीस निरीक्षक अर्जुन मोहिते यांनी दिली.

             पुणे ग्रामीण दहशतवाद विरोधी कक्ष चे सहाय्यक पोलीस निरीक्षक  अर्जुन मोहिते हे आपल्या पथकासह नारायणगाव परिसरात गस्त करीत असताना  दहशतवाद विरोधी कक्षाचे सहा. पोलीस उपनिरीक्षक राजू पवार यांना गोपनीय बातमी मिळाली की  दि ०९/०६/२०२० रोजी आपल्या चुलत भावाचा खून करून फरारी झालेला आरोपी अमोल बाळकृष्ण भुजबळ  राहणार आनंदवाडी नारायणगाव तालुका जुन्नर जिल्हा पुणे हा  दुचाकीवरून खेड वरून मंचर च्या दिशेने येत आहे. बातमी मिळाल्यानंतर  नारायणगाव पोलिस स्टेशनचे  सहाय्यक पोलीस निरीक्षक  अर्जुन घोडे पाटील यांच्याशी संपर्क करून त्यांचा स्टाफ मदतीला घेऊन सदर आरोपीस  दुचाकीसह ताब्यात घेण्यात आले व पुढील कारवाईसाठी नारायणगाव पोलीस स्टेशन चे ताब्यात देण्यात आले आहे.

             सदर कारवाई  श्री संदीप पाटील पोलीस अधीक्षक पुणे ग्रामीण, श्री विवेक पाटील अपर पोलीस अधीक्षक पुणे, श्रीमती दीपाली खन्ना उपविभागीय पोलिस अधिकारी जुन्नर उपविभाग.  श्री  पद्माकर घनवट पोलीस निरीक्षक स्थानिक गुन्हे शाखा, सहाय्यक पोलीस निरीक्षक अर्जुन घोडे पाटील नारायणगाव पोलिस स्टेशन यांच्या

मार्गदर्शनाखाली दहशतवाद विरोधी कक्षाचे सहायक पोलीस निरीक्षक अर्जुन मोहिते, सहायक पोलीस उपनिरीक्षक राजू पवार, किरण कुसाळकर नारायणगाव पोस्टेचे भीमा लोंढे व शैलेश वाघमारे या पथकाने केली.

चक्रीवादळात ही ATS पुणे ग्रामीण सतर्क ! सराईत गुंड गावठी पिस्तूलसह ताब्यात !नारायणगाव पोलिस स्टेशनच्या मदतीने कारवाई.

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ) कार्यकारी संपादक : श्री. अमर भागवत [अध्यक्ष - अ.भा.ग्राहक संरक्षण समिती जुन्नर तालुका]

    (दि.४)  पुणे ग्रामीण दहशतवाद विरोधी कक्षाचे पथक नारायणगाव पोलीस स्टेशन हद्दीमध्ये गस्त करीत असताना कावळ पिंपरी येथे एका इसमाकडे गावठी पिस्तूल असल्याची गोपनीय बातमी मिळाल्या नंतर त्या इसमाकडून गावठी पिस्तूल व एक कडतुस हस्तगत केले असून त्यास ताब्यात घेण्यात आले आहे. सदर कारवाई दहशतवाद विरोधी कक्ष पुणे ग्रामीण यांनी नारायणगाव पोलीस स्टेशन च्या मदतीने केली आहे.अशी माहिती दहशतवाद विरोधी कक्षाचे सहाय्यक पोलीस निरीक्षक अर्जुन मोहिते यांनी दिली.

     

    दि . ०३/०६/२०२० रोजी पुणे ग्रामीण दहशतवाद विरोधी कक्ष चे सहाय्यक पोलीस निरीक्षक  अर्जुन मोहिते हे आपल्या पथकासह नारायणगाव परिसरात गस्त करीत असताना  दहशतवाद विरोधी कक्षाचे (ATS) सहा. पोलीस उपनिरीक्षक राजू पवार तसेच किरण कुसाळकर यांना मिळालेल्या गोपनीय बातमीच्या आधारे  रोहिदास बाबुराव पाबळे ( वय ३७ वर्षे ) राहणार  कावळ पिंपरी तालुका जुन्नर यास नारायणगाव पोस्टेचे सहाय्यक पोलीस निरीक्षक घोडे पाटील व स्टाफ यांच्या मदतीने कावळ पिंपरी येथून ताब्यात घेऊन त्याचेकडून एक गावठी पिस्तूल एक जिवंत काडतुस हस्तगत करून कारवाई करण्यात आली. त्याच्यावर बेकायदेशीर बिगरपरवाना शस्त्र बाळगले म्हणून गुन्हा दाखल करण्यात आला आहे. 

      या आरोपीवर यापूर्वी खुनाचा प्रयत्न, मारहाण यासारखे गुन्हे दाखल आहेत.

             सदर कारवाई  पुणे ग्रामीण चे पोलीस अधीक्षक श्री.संदीप पाटील ,अपर पोलीस अधीक्षक  श्री. विवेक पाटील ,जुन्नर उपविभागीय पोलिस अधिकारी श्रीमती दीपाली खन्ना, स्थानिक गुन्हे शाखा पोलीस निरीक्षक श्री.पद्माकर घनवट

 यांच्या मार्गदर्शनाखाली नारायणगाव पोलिस स्टेशनचे सहाय्यक पोलीस निरीक्षक अर्जुन घोडे पाटील , दहशतवाद विरोधी कक्षाचे साहाय्यक पोलीस निरीक्षक अर्जुन मोहिते, सहायक पोलीस उपनिरीक्षक राजू पवार, पोलीस नाईक विशाल भोरडे, किरण कुसाळकर, मोसिन शेख तसेच  नारायणगाव पोलिस स्टेशनचे योगेश गारगोटे, सचिन कोबल या पथकाने केली.