धनगरवाडीत गावठी दारूच्या भट्टी वर पोलिसांचा छापा ! ३० लि. दारू व ८०० लि. कच्चे रसायन नष्ट

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ) 

कार्यकारी संपादक: श्री. अमर भागवत

नारायणगाव पोलीस ठाण्याच्या हद्दीत धनगरवाडी येथे बेकायदा गावठी दारू तयार करणाऱ्या दोन हातभट्टी वर नारायणगाव पोलिसांनी छापा मारून ३० लिटर गावठी दारू व ८०० लिटर कच्चे रसायन नष्ट करण्यात आले असल्याची माहिती नारायणगाव पोलीस स्टेशन चे सहाय्यक पोलीस निरीक्षक अर्जुन घोडे पाटील यांनी दिली.

         पोलिसांनी दिलेल्या माहिती नुसार

दि.१५/०४/२o२० रोजी ०५/२५ वा.चे सुमारास मौजे धनगरवाडी गावचे  हद्दीत आरोपी दिलीप रूपा बिरे रा. कसबे वस्ती धनगरवाडी ता. जुन्नर जिल्हा पुणे याच्या राहत्या घराच्या समोर बेकायदा बिगर परवाना २१००० /- रू.किंमतीची १०लिटर गावठी हातभट्टीची तयार दारू व ४०० लिटर कच्चे रसायन मिळून आले. पो. कॉ. स्वप्नील मच्छिंद्र लोहार यांनी याबतची फिर्याद दिली. 

     दरम्यान दुसऱ्या कारवाईत निलेश मारवाडी रा.कसबेवस्ती धनगरवाडी ता.जुन्नर जि. पुणे दि. १५/०४/२०२०रोजी १६/२७ वा मौजे धनगरवाडी गावच्या हद्दीत चिक्कुच्या बागेजवळील ओढ्यात बेकायदा बिगर परवाना गावठी हातभट्टीची तयार दारू तसेच गावठी हातभट्टी तयार करण्याचे कच्चे रसायन जवळ बाळगले स्थितीत असताना त्याला पकडण्या साठी गेले असता तो पोलिसांची चाहूल लागतात ऊसाच्या शेतात पळून गेला. त्याच्याकडे 22000 /- रुपये किमतीची 20 लिटर गावठी  हातभट्टीची तयार दारू व ४००लिटर कच्चे रसायन मिळून आले.याबाबत सुरेश देवराम गुंगले यांनी फिर्याद दिली आहे.

          दोन्ही कारवाई मध्ये मिळून आलेली  हातभट्टीची गावठी दारू व कच्चे रसायन पंचांसमक्ष नष्ट करण्यात आले असून दोन्ही आरोपींवर महाराष्ट्र दारूबंदी कायदा कलम 65 (ख) प्रमाणे गुन्हा दाखल करण्यात आला आहे.अशी माहिती स.पो. नि.घोडे पाटील यांनी दिली.

गावठी दारूची वाहतूक करणाऱ्या एकाला नारायणगाव पोलिसांनी केली अटक ; 32 हजार रुपयांची गावठी दारू जप्त

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक: श्री. अमर भागवत

नारायणगाव दि.१४ पारगाव तर्फे आळे (ता. जुन्नर) येथे आज सकाळी साडेसहा वाजण्याच्या सुमारास एका टाटा छोटा हत्ती टेम्पो मधून 32 हजार रुपये किमतीच्या गावठी दारूचे चार कॅन व चार ट्यूब घेऊन जात असताना एका आरोपीला नारायणगाव पोलिसांनी अटक केली आहे. अशी माहिती सहाय्यक पोलीस निरीक्षक अर्जुन घोडे पाटील यांनी दिली.
 

         याबाबतची फिर्याद पारगाव तर्फे आळे चे पोलीस पाटील हेमंत सिताराम चव्हाण (वय 34 वर्ष) यांनी नारायणगाव पोलिसांना दिली. या घटनेतील आरोपी निलेश गुलाब लोंढे (वय २७ राहणार निमगाव भोगी तालुका शिरूर जिल्हा पुणे) याला मुद्देमालासह आज दिनांक १४ रोजी सकाळी साडेसहा वाजता पारगाव तर्फे आळे येथील एसटी बस स्टँड चौकात अटक करण्यात आली. 

      ,

     या घटनेमध्ये नारायणगाव पोलिसांनी बत्तीस हजार रुपये किमतीचा गावठी दारू चा माल व सुमारे दीड लाख रुपये किमतीचा छोटा हत्ती टेम्पो ( क्र. एम.एच. १२ – एस एफ ०५९२) असा एक लाख ८२ हजार रुपये किमतीचा मुद्देमाल पोलिसांनी जप्त केला आहे.

        आरोपी नीलेश लोंढे याच्यावर भादवि कलम 188, 269, 270 महाराष्ट्र दारूबंदी कायदा कलम 65 अ मो.वा. कायदा कलम 66 /1 आपत्ती व्यवस्थापन अधिनियम 2005 चे कलम 51 /२ साथीचा रोग प्रतिबंधक अधिनियम 197 खंड 2 3 4, covid-19 उपाययोजना 20 चे नियम 11 नुसार गुन्हा दाखल करण्यात आला आहे.
            या घटनेचा पुढील तपास पोलिस नाईक राजाराम शिंदे हे करीत आहेत.

नारायणगाव येथे संचारबंदीत शतपावली साठी बाहेर पडणाऱ्या सहा जणांवर गुन्हे दाखल

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

नारायणगाव पोलीस स्टेशन हद्दी मध्ये रविवार दि. १२ रात्रौ १० वाजण्याच्या सुमारास संचारबंदी चालू असताना विनाकारण फिरणाऱ्या सहा जणांवर नारायणगाव पोलिसांनी गुन्हे दाखल केले आहेत अशी माहिती सहाय्यक पोलिस निरीक्षक अर्जुन घोडे पाटील यांनी दिली .

घोडे पाटील यांनी दिलेल्या माहितीनुसार काल रात्री पोलीस नाईक शिंदे, पोलिस नाईक लोंढे, पो काँन्स्टेबल शेख व घोडे पाटील असे नारायणगावामध्ये पेट्रोलींग करित असताना १) संतोष आनंद वाणी रा. चिंचोली काशिद ता जुन्नर, जि पुणे २) अनिल शिवलाल देसर्गा रा रोज पेटल्स सोसायटी ना.गाव ता जुन्नर जि. पुणे,३) दिपक गुलाबचंद चोरडीया रा रोज पेटल्स सोसायटी खोडदरोड ना.गाव ता. जुन्नर जि पुणे ४) राजेंद्र कांतीलाल लोढा रा. रोज पेटल सोसायटी ता जुन्नर जि पुणे ५) नजीमुद्दीन नसीर शेख रा अनिकेत अपार्टमैन्ट ना. गाव ता जुन्नर जि. पुणे ६) शैलेश बबन जांदेकर रा नारायणगाव अनिकेत अपार्टमेंट ता. जुन्नर जि. पुणे हे संचार बंदीचा आदेश झुगारून विनाकारण फिरताना मिळून आले त्यांना बाहेर फिरण्याचे कारण विचारले असता शतपावली करतोय,सहज फिरतोय, असेच आलोय अशी उत्तरे दिल्याने त्यांनी संचार बंदीचा आदेश झुगारून विनाकारण फिरताना मिळून आले म्हणून त्याचे विरूध्द भा.द.वि.का.कलम १८८ , २७९ , २७० तसेच महाराष्ट्र कोविड – १९ विधीयमन २०२० कलम ११ (२) (३) ( ४) आपत्ती व्यवस्थापन अधि.२००५ चे कलम ५१(२) प्रमाणे इसमांवर गुन्हा दाखल करण्यात आला असून गुन्ह्याचा पुढील तपास सहायक फौ. ढमाले ,पो.हवा. कोकणे,पो.ना. कोबल हे करित असुन नागरिकांनी विनाकारण बाहेर फिरू नये, अत्यावश्यक वस्तु ची खरेदी करण्यासाठी फक्त एक इसमांने बाहेर पडावे, अत्यावश्यक सेवा बाबत फोन करून घरपोच सेवा उपलब्ध आहे त्याचा लाभ घ्यावा, शासनाने दिलेल्या नियमांचे पालन करावे असे न केल्यास कायदेशिर कारवाई होवून गुन्हे दाखल करण्यात येईल असे घोडेपाटील यांनी सांगितले

स्व. किशोर वाजगे यांच्या स्मरणार्थ चुलतीने दिली मुख्यमंत्री सहायता निधीसाठी ५१ हजार रुपयांची मदत

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ) कार्यकारी संपादक: श्री. अमर भागवत

नारायणगाव 

कोरोना विषाणू चा वाढता प्रादुर्भाव रोखण्यासाठी शासन स्तरावर सर्वत्र उपाय योजना सुरू आहेत. यासाठी शासनाला देखील मोठ्या आर्थिक निधीची गरज आहे. या अनुषंगाने आपल्या पुतण्याच्या अपघाती म्रुत्यू नंतर नारायणगाव येथील सौ. निलीमा राजेंद्र वाजगे यांनी  मुख्यमंत्री सहाय्यता निधी साठी ५१ हजार रुपये मदत पाठवली आहे.

जिल्हा परिषदेचे माजी सदस्य दत्तात्रय वाजगे यांचे नातू व पत्रकार किरण वाजगे यांचे मोठे बंधू स्वर्गीय किशोर लक्ष्मण वाजगे यांच्या स्मरणार्थ, दिनांक 07/04/2020 रोजी मुख्यमंत्री सहायता निधीसाठी नारायणगाव येथील पुणे जिल्हा मध्यवर्ती सहकारी बँके मधून ५१ हजार रुपये आरटीजीएस करण्यात आले. 

 

याप्रसंगी बँक व्यवस्थापक सुभाष डोके, जेष्ठ द्राक्ष बागायतदार राजेंद्र दत्तात्रय वाजगे, सह्याद्री भिसे, कृष्णा राजेंद्र वाजगे तसेच बँकेचे अधिकारी व कर्मचारी उपस्थित होते.

नारायणगाव येथे पोलिस, डाॅक्टर, आरोग्य कर्मचारी, शासकीय कर्मचारी यांना सॅनिटायझरचे वाटप

ग्राहक समाचार News Portal

कार्यकारी संपादक : श्री. अमर भागवत

  

नारायणगाव | ॲरोमाझोटीका हॅन्ड सॅनिटायझर कंपनी नाशिक,  जुन्नर तालुका मुस्लिम सेवा समिती आणि युवा शक्ती फाउंडेशन, महाराष्ट्र राज्य यांच्यावतीने सॅनिटायझरचे मोफत वाटप करण्यात आले असल्याची माहिती युवा शुक्ती फाउंडेशनचे संस्थापक अध्यक्ष प्रा.अशफाक पटेल यांनी दिली.

 करोनापासुन नागरिकांचे संरक्षण व्हावे याकरिता लाॅकडाऊनच्या काळात नागरिकांच्या सुरक्षेसाठी पोलिस, डाॅक्टर, आरोग्य कर्मचारी यांसह शासकीय यंत्रणा कार्यरत असुन त्यांच्या सुरक्षेसाठी ॲरोमाझोटीका हॅन्ड सॅनिटायझर कंपनी नाशिक,  जुन्नर तालुका मुस्लिम सेवा समिती आणि युवा शक्ती फाउंडेशन, महाराष्ट्र राज्य यांच्यावतीने  १००० सॅनिटायझर बाॅटलचे मोफत वाटप करण्यात आले.

प्राथमिक आरोग्य केंद्र वारुळवाडी, पोलिस स्टेशन नारायणगाव, ग्रामपंचायत वारुळवाडी, ग्रामपंचायत नारायणगाव, यांसह जुन्नर तालुक्यातील पोलिस, आरोग्य कर्मचारी यांच्यासाठी मोफत सॅनिटायझर वाटप करण्यात आले.

यावेळी लोकनियुक्त सरपंच योगेश पाटे, उपसरपंच सचिन वारुळे, पोलिस उपनिरीक्षक अभिजित पवार, गटविकास अधिकारी विकास दांगट, सादिक आतार, आरोमाझोटीला कंपनीचे हसीब मलिक, मुस्लिम सेवा समितीचे मेहबुब काझी, जुबेर शेख, रईस चौगुले, यांसह पोलिस कर्मचारी, ग्रामपंचायत कर्मचारी व प्राथमिक आरोग्य केंद्राचे डाॅक्टर व कर्मचारी उपस्थित होते.

कांदळी येथे चारित्र्याच्या संशयावरून पत्नीचा गळा आवळून खून ; आरोपी पतीला आठ तासात अटक.

ग्राहक समाचार : News portal

कार्यकारी संपादक: श्री. अमर भागवत

नारायणगाव | चारित्र्याचा संशय घेऊन पतीने चार महिने गर्भवती असलेल्या आपल्या पत्नीचा गळा दाबून खून केल्याची घटना सोमवारी दि. ०६ रोजी दुपारी ३ – ५ या दरम्यान कांदळी ता. जुन्नर येथील उबरकास मळा येथे घडली.
  

   या खून प्रकरणी मयत महिलेचे वडील श्याम बापू फुलमाळी यांनी या घटनेची फिर्याद दिली.
     कविता संजय फुलमाळी असे खून झालेल्या महिलेचे नाव आहे.
      याबाबत सहाय्यक पोलिस निरीक्षक अर्जुन घोडे पाटील यांनी दिलेल्या माहितीनुसार मयत विवाहितेचे वडील श्याम माळी हे कांदळी येथील उबरकास मळा येथे वाट्याने शेती करीत आहेत. त्यांच्याच शेजारी त्यांचा जावई संजय फुलमाळी व मुलगी कविता राहत होते. काल दिनांक ६ रोजी दुपारी तीन वाजता मका कापण्यासाठी गेलेली कविता बराच वेळ झाला तरी परत कशी आली नाही याचा शोधाशोध घेत असताना कांदळी येथील विशाल सुदाम कुतळ यांच्या मालकीच्या उसाच्या शेतामध्ये तिचा मृतदेह आढळला. या मृतदेहाजवळ एक चिट्ठी, तंबाखू व चुन्याची पुडी आढळून आली. चिट्ठी लिहिलेला कागद हा संशयित आरोपी कविताचा पती संजय याच्या घरात सापडलेल्या वहीचाच असल्याने पोलिसांचा संशय बळावला. आरोपी संजय याची देहबोली व विचारलेल्या प्रश्नांना दिलेली उलटसुलट उत्तरे यावरून पोलिसांचा संशय अधिकच बळावला व पोलिसी खाक्या दाखवताच संजय यांनी खुनाची कबुली दिली. या घटनेचा पुढील तपास जिल्हा पोलीस अधीक्षक संदीप पाटील, उपविभागीय पोलिस अधिकारी दीपाली खन्ना यांच्या मार्गदर्शनाखाली सहाय्यक पोलीस निरीक्षक अर्जुन घोडे पाटील करीत आहेत.

नारायणगाव मधील युवकांनी १०० गरीब आणि निराधार गरजवंत नागरिकांना मास्क व किराणा साहित्याचे केले वाटप

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री .अमर भागवत

नारायणगाव दि. ०६

कोरोना विषाणू चा मुकाबला होत असताना सर्वत्र संचारबंदी लागू आहे. या अनुषंगाने जुन्नर तालुक्यातील नारायणगाव मधील युवकांनी माणुसकीच्या नात्याने १०० गरीब आणि निराधार गरजवंत नागरिकांना मास्क व किराणा साहित्याचे वाटप केले.

नारायणगाव येथील विक्रांत क्रीडा मंडळ, वाजगे आळी यांच्या वतीने माजी उपसरपंच संतोष वाजगे यांच्या मार्गदर्शनाखाली हा कार्यक्रम आयोजित करण्यात आला. 

याप्रसंगी राष्ट्रवादी युवक काँग्रेसचे तालुका अध्यक्ष सुरज वाजगे, अजिंक्यतारा पतसंस्थेचे चेअरमन गणेश वाजगे,  सुनिल वाव्हळ, निलेश गोरडे, मुकेश वाजगे, हर्षल वाजगे, तेजस वाजगे, मोहक वाजगे, संजय नेवकर, शाम जोशी, कमलाकर वाजगे, वसंत वाजगे, तसेच मंडळाच्या युवक कार्यकर्त्यांनी या उपक्रमात सहभाग घेतला.  

निराधार व ज्यांचे हातावर पोट आहे अशा गरजवंत कुटुंबांना मंडळाच्या वतीने किराणा साहित्य व मास्क मोफत वाटल्याने मंडळाच्या या कार्याचे परिसरात कौतुक होत आहे.