जुन्नर तालुक्यातील सरपंच पदाच्या आरक्षणाची सोडत २९ जानेवारीला
नारायणगाव | जुन्नर तालुक्यातील ५ मार्च २०२० ते ४ मार्च २०२५ मधील ग्रामपंचायतीच्या सरपंच पदाचे आरक्षण दि.२९ जानेवारी २०२१ रोजी सकाळी ११.०० वा . पासुन जिजामाता सभागृह ( पंचायत समिती जुन्नर ) ता.जुन्नर , जि.पुणे येथे सोडत पद्धतीने काढण्यात येणार आहे.अशी माहिती जुन्नरचे तहसीलदार हणमंत कोळेकर यांनी प्रसिद्धी पत्रकाद्वारे दिली आहे.
जुन्नर तालुक्यातील १४२ ( ४७ आदिवासी व बिगर आदिवासी ९५ क्षेत्रातील ) ग्रामपंचायतीच्या दि .५ मार्च २०२० ते दि.४ मार्च २०२५ या कालावधीसाठी ग्रामपंचायत निहाय सरपंच पदाच्या आरक्षणाची सोडत दि.२९ जानेवारी २०२१ रोजी आयोजीत करणेकामी मा.जिल्हाधिकारी पुणे यांच्या मार्फत आदेशीत करणेत आलेले आहे . प्रस्तुत आरक्षण हे दि .२९ जानेवारी २०२१ रोजी सकाळी ११.०० वा . पासुन जिजामाता सभागृह ( पंचायत समिती जुन्नर ) ता.जुन्नर , जि.पुणे येथे सोडत पध्दतीने काढण्यात येणार आहे.
सदरचे आरक्षण हे दि .५ मार्च २०२० ते दि .४ मार्च २०२५ या कालावधीत यापुढे होणाऱ्या ग्रामपंचायतींच्या सार्वत्रिक निवडणूकांच्या सरपंच पदाकरीता लागू राहिल .
सदर आरक्षण सोडतीच्या प्रथम सत्रामध्ये अनुसूचित क्षेत्रातील ४७ ग्रामपंचायतींचे सरपंच पदाचे आरक्षण निश्चित केले जाईल . तदनंतर उर्वरित ९५ ग्रामपंचायतींचे आरक्षण सोडत काढण्यात येईल .
No comments:
Post a Comment