Pages

Monday, August 24, 2020

झापवाडी गावच्या हद्दीत दरोड्याच्या प्रयत्नातील दोघांना आळेफाटा पोलिसांकडून अटक

ग्राहक समाचार News Portal
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री. अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]
  दि.२४ रोजी आळेफाटा पोलीस स्टेशनच्या हद्दीतील झापवाडी हद्दीतील वस्तीवर पहाटे च्या सुमारास दरोडा घालण्याच्या प्रयत्नात असलेल्या ५ जनांपैकी दोघांना आळेफाटा पोलिसांनी नाकाबंदी करून पाठलाग करून पकडले आहे.अशी माहिती आळेफाटा पोलीस स्टेशन चे वरीष्ठ पोलीस निरीक्षक टी.वाय.
मुजावर यांनी दिली.

             पोलिसांनी दिलेल्या माहितीनुसार
आज दि.२४ रोजी आळेफाटा पोलीस स्टेशन हद्दीमध्ये पहाटे ०३.०० ते ०४.०० वा च्या सुमारास मौजे झापवाडी गावाच्या हद्दीतील वस्तीवर औटी यांच्या घरावर ५ दरोडेखोर दरोडा घालण्याचा प्रयत्न करत असताना घरातील इसमांना  जाग आल्याने त्यांनी उठून आरडा ओरडा केला असता सदर दरोडेखोर हे घरावर दगडफेक करून व दहशद निर्मिण करुन मंगरुळ गावच्या फॉरेस्ट बाजूला २ मोटारसायकलवर पळून गेले असल्याची माहिती स्थानिक ग्रामस्थांनी पोलिसांना कळविल्यानंतर पोलिसांनी तात्काळ गावातील चार ही रस्त्यांवर नाका-बंदी करून त्यापैकी एका मोटर सायकल चा पाठलाग करून २ दरोडे खोर पकडण्यात आले. 
              
               त्यापैकी एक जण  जंगलात पळून गेला असून मिळून आलेल्या दोन दरोडेखोरांकडे कटावणी ,कोयता , मोटारसायकल व इतर दरोड्याचे साहित्य असा ४०,००० /- रु किमतीचा चा मुद्देमाल जप्त करण्यात आला. तसेच त्यांच्या सोबतचे पळून गेलेले इतर 3 दरोडेखोरांची नावे निष्पन्न झाली आहेत.    
              याबाबत आळेफाटा पोलीस ठाण्यामध्ये भा द वि कलम ३९९ प्रमाणे गुन्हा नोंद करण्यात आला आहे . 
       
                सदरची कामगिरी  पुणे ग्रामीण चे पोलीस अधीक्षक संदीप पाटील अप्पर पोलीस अधीक्षक विवेक पाटील , जुन्नर उपविभागीय पोलीस अधिकारी श्रीमती खन्ना यांच्या मार्गदर्शनाखाली वरिष्ठ पोलीस निरीक्षक टि.वाय.मुजावर, पोलीस हवालदार भोईर ,पोलीस नाईक फड ,पोलीस कॉन्स्टेबल गोरक्ष हासे, पोलीस कॉन्स्टेबल मोमीन, चालक पोलीस कॉन्स्टेबल समाधान अहिवळे ,होमगार्ड शिरतर या पथकाने केली आहे.

साप्ता.ग्राहक समाचार News Portal
Reg.- R.N.I.No.MAHMAR66462/1997
(अखिल भारतीय ग्राहक संरक्षण समितीचे खुले व्यासपीठ)
◆ मालक /प्रकाशक/संपादक : 
     श्री. ज्ञानेश्वर बबनराव भागवत
     📱- ७० ८३ ९५ ६९ ५६
◆ कार्यकारी संपादक : 
     श्री. अमर ज्ञानेश्वर भागवत
     📱 ९१ ३० ३४ ९२ ९०
◆ बातम्या आणि जाहिरातींसाठी संपर्क
Email - grahaksamacharnews@gmail.com
SUBSCRIBE  : https://urlzs.com/NrMtx या लिंकवर क्लिक करून ताज्या घडामोडींचे अपडेट्स पाहण्यासाठी "Grahak Samachar" यू ट्यूब चॅनल सब्सक्राईब करा आणि बेल आयकॉन वर क्लिक करा.
facebook :
https://www.facebook.com/grahak.samachar.37
Join Our Whats app Group       
https://chat.whatsapp.com/FqwkZM1wrYBE2jtsvflh1S

Sunday, August 23, 2020

फरारी खुनी आरोपीला पुणे ग्रामीण स्थानिक गुन्हे अन्वेषण विभागाने केले जेरबंद

ग्राहक समाचार News Portal
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री. अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]

          मौजे लांडेवाडी, ता.आंबेगाव,जि. पुणे येथील दि.२२/जून/२०२० रोजी 65 वर्षीय वृद्धाचा खून करून त्यांच्याकडील सोन्याची 
चैन व पैसे घेऊन त्यांची बॉडी डिंभे कॅनॉलच्या पाण्यात टाकुन पुरावा नष्ट करून आरोपी फरार झाला होता त्यास दि.२३ ऑगस्ट रोजी पुणे ग्रामीण स्थानिक गुन्हे अन्वेषण विभागाच्या पथकाने सापळा रचून पकडले व जेरबंद केले आहे अशी माहिती स्थानिक गुन्हे अन्वेषण विभागाचे पोलीस निरीक्षक पद्माकर घनवट यांनी दिली.
           अधिक माहिती अशी की
मौजे लांडेवाडी, ता.आंबेगाव,जि. पुणे येथील सुदाम विठ्ठल लांडे वय - 65 वर्षे  यांचा दि. 22/06/2020 रोजी रात्री खुन करून, त्याचेकडील सोन्याची चैन व पैसे घेऊन त्यांची बॉडी डिंभे कॅनॉलच्या पाण्यात टाकुन पुरावा नष्ट केल्याप्रकरणी घोडेगाव पोलीस ठाण्यात.भा.दं.वि.कलम302,201,397,364,
34 नुसार गुन्हा दाखल असून सदर गुन्ह्यातील पाहिजे असलेला आरोपी  विवेक उर्फ विकी सुरेश एरंडे वय - 30 वर्षे, रा. नोरोडी ता. आंबेगाव जि. पुणे मुळ रा. थुगाव ता. आंबेगाव, जि. पुणे याच्या मागावर स्थानिक गुन्हे अन्वेषण विभागाचे पथक होते परंतु तो पोलिसांना गुंगारा देत होता. दि. 23/08/2020 रोजी स्थानिक गुन्हे अन्वेषण विभागाचे पथक गणेशोत्सव व पोलिसांना पाहिजे असलेल्या आरोपीचा शोध घेण्याच्या अनुषंगाने खेड उपविभागात पेट्रोलिंग करीत होते. पेट्रोलिंग दरम्यान पथकाला आरोपीबाबत बातमीदाराकडून माहिती मिळाली की, सदर आरोपी हा चास ता. खेड, जि. पुणे येथे येणार असुन त्याचे अंगावर लालसर रंगाचा टी शर्ट, निळ्या रंगाची जीन्स पॅन्ट व  केस वाढलेले आहेत. मिळालेल्या माहितीवरून एल. सी. बी. पुणे ग्रामीण यांचे पथक तात्काळ चास ता. खेड, जि.पुणे येथे पोहचले व आरोपीस सापळा लावुन ताब्यात घेतले.
          आरोपीस विश्वासात घेऊन चौकशी केली असता त्याने मित्राच्या साथीने मयताचा खुन करून बॉडी डिंभे कॅनॉलच्या पाण्यात टाकली असल्याची कबुली दिली आहे. 
               सदर आरोपीस पुढील कायदेशीर कारवाईसाठी घोडेगाव पोलिसांच्या ताब्यात दिले आहे. 
               सदरची कामगिरी पुणे ग्रामीण स्थानिक गुन्हे शाखेचे पोलीस निरीक्षक पद्माकर घनवट यांच्या मार्गदर्शनाखाली साहाय्यक पोलीस निरीक्षक रवींद्र मांजरे, पोलीस नाईक दिपक साबळे, पोलीस हवालदार शरद बांबळे, शंकर जम,  जावळे, पोलीस मित्र प्रसाद पिंगळे यांच्या पथकाने केली आहे.
      साप्ता.ग्राहक समाचार News Portal
Reg.- R.N.I.No.MAHMAR66462/1997
(अखिल भारतीय ग्राहक संरक्षण समितीचे खुले व्यासपीठ)
◆ मालक /प्रकाशक/संपादक : 
    श्री. ज्ञानेश्वर बबनराव भागवत
    📱- ७० ८३ ९५ ६९ ५६

◆ कार्यकारी संपादक :
    श्री. अमर ज्ञानेश्वर भागवत
    📱 ९१ ३० ३४ ९२ ९०

◆ बातम्या आणि जाहिरातींसाठी संपर्क
Email - grahaksamacharnews@gmail.com

SUBSCRIBE  : https://urlzs.com/NrMtx या लिंकवर क्लिक करून ताज्या घडामोडींचे अपडेट्स पाहण्यासाठी "Grahak Samachar" यू ट्यूब चॅनल सब्सक्राईब करा आणि बेल आयकॉन वर क्लिक करा.

facebook :
https://www.facebook.com/grahak.samachar.37

Join Our Whats app Group       
https://chat.whatsapp.com/FqwkZM1wrYBE2jtsvflh1S

Saturday, August 22, 2020

जुन्नर शहरात घरफोड्या करणारा आरोपी मंदार उर्फ सोमनाथ रासने ला LCB पथकाने सापळा रचून पकडले

ग्राहक समाचार News Portal
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री. अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]
                 दि. 22/08/2020 रोजी पुणे ग्रामीण स्थानिक गुन्हे अन्वेषण विभागाचे  एक पथक गणेशोत्सवाच्या अनुषंगाने तसेच पोलिसांना पाहिजे असलेल्या आरोपिंचा शोध घेण्यासाठी खाजगी वाहनाने पेट्रोलिंग करीत असताना जुन्नर शहरात घरफोडी करणारा आरोपी कळंब,ता.आंबेगाव येथे येणार असल्याचे समजल्यानंतर त्यास संपला रचून पकडण्यात आले आहे अशी माहिती स्थानिक गुन्हे अन्वेषण विभागाचे पोलीस निरीक्षक पद्माकर घनवट यांनी दिली.
                 सदर आरोपीचे नाव मंदार उर्फ सोमनाथ मदन रासने, वय - 31 वर्षे, रा. कासारआळी, सदाबाजार पेठ, जुन्नर ता. जुन्नर, जि. पुणे असे आहे. 
           जुन्नर येथील  केदार जगदीश पुरवंत  यांच्या घरी चोरी केल्याचे त्याने कबुल केले आहे. 
                 या बाबत जुन्नर पोलीस स्टेशन येथे त्याच्यावर भा.दं.वि. कायदा कलम 457,380 नुसार गुन्हा दाखल करण्यात आला आहे. 
              यापूर्वी रासने या आरोपीवर
 जुन्नर पोलीस स्टेशन येथे भा.दं.वि. 497,380.457, नुसार गुन्हे दाखल आहेत
              सदर आरोपीस पुढील कायदेशीर कारवाईकरिता जुन्नर पोलिसांच्या ताब्यात देण्यात आले आहे. 
             सदरची कामगिरी स्थानिक गुन्हे शाखेचे पोलीस निरीक्षक पद्माकर घनवट  यांच्या मार्गदर्शनाखाली सहाय्यक पोलीस निरीक्षक रवींद्र मांजरे, पोलीस नाईक दिपक साबळे, पोलीस हवालदार शंकर जम, जावळे, शरद बांबळे, पोलीस मित्र प्रसाद पिंगळे, राजु गायकवाड यांच्या पथकाने केली.

साप्ता.ग्राहक समाचार News Portal
Reg.- R.N.I.No.MAHMAR66462/1997
(अखिल भारतीय ग्राहक संरक्षण समितीचे खुले व्यासपीठ)
◆ मालक /प्रकाशक/संपादक : 
     श्री. ज्ञानेश्वर बबनराव भागवत
     📱- ७० ८३ ९५ ६९ ५६
◆ कार्यकारी संपादक : 
     श्री. अमर ज्ञानेश्वर भागवत
     📱 ९१ ३० ३४ ९२ ९०
◆ बातम्या आणि जाहिरातींसाठी संपर्क
Email - grahaksamacharnews@gmail.com

SUBSCRIBE  : https://urlzs.com/NrMtx या लिंकवर क्लिक करून ताज्या घडामोडींचे अपडेट्स पाहण्यासाठी "Grahak Samachar" यू ट्यूब चॅनल सब्सक्राईब करा आणि बेल आयकॉन वर क्लिक करा.
facebook :
https://www.facebook.com/grahak.samachar.37
Join Our Whats app Group       
https://chat.whatsapp.com/FqwkZM1wrYBE2jtsvflh1S

Tuesday, August 18, 2020

नारायणगाव पोलीस स्टेशन हद्दीत गणेशोत्सव काळात सूचनांचे पालन करा : स.पो.नि.गुंड

ग्राहक समाचार News Portal
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री. अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]


                दि. १८/०८/२०२० रोजी नारायणगाव पोलीस ठाणे हद्दीतील वारूळवाडी, नारायणगाव गावातील सार्वजनिक गणेशोत्सव मंडळांचे अध्यक्ष, सदस्य यांची मिटींग पोलिस स्टेशन सभागृहात घेण्यात आली. सदर मिटींगमध्ये कोरोनाच्या
पार्श्वभूमीवर गणेशोत्सव व मोहरम सणाच्या अनुषंगाने सोशल डिस्टन्स पाळुण बैठक घेण्यात आली .नारायणगाव पोलीस स्टेशन अंतर्गत येणाऱ्या गावांमधील नागरिकांसाठी खालील प्रमाणे सूचना दिल्या आहेत.या सूचनांचे नागरिकांनी पालन करावे असे आवाहन देखील यावेळी साहाय्यक पोलीस निरीक्षक दत्तात्रय गुंड  यांनी केले . 
        त्यामध्ये सध्या कोरोना संसर्गाचे अनुषंगाने खालील सूचना दिल्या आहेत.
कोविड -19 चच्या अनुषंगाने यापुर्वी सार्वजनिक गणेशोत्सवासाठी गणेश मंडळांनी महानगरपालिका/स्थानिक प्रशासन यांची त्यांचे धोरणानुसार पुर्वपरवानगी घेणे आवश्यक राहील. कोविड-19 मुळे श्रीगणेशाची मुर्तीची उंची सार्वजनिक मंडळांकरीता 4फुट व घरगुती  गणपती 2 फुटांच्या मर्यादेत राहिल. सार्वजनिक गणेशमंडळांनी श्री गणेशाचे दर्शनाची सुविधा आँनलाईन ,केबल नेटवर्क, फेसबुकव्दारे प्रक्षेपण करावेत. सार्वजनिक ठिकाणी संबंधित व्यवस्थापनाकडून सीसीटीव्ही कँमेरे बसवून घेण्यासाठी  सुचना दिल्या.  गणेशोत्सव मंडळांनी नवीन शेड न बांधता मंदिरातच गणेशमूर्तीची स्थापना करावी .    
              गणेशोत्सव साजरा करताना लोकांकडून वर्गणी सक्तीची करू नये , अन्यथा खंडणीचे गुन्हे दाखल करण्यात येतील . 
पर्यावरण संरक्षण कायद्यांतर्गत डी.जे.वाजविणाऱ्या डी.जे.मालकांवर व आयोजकांवर कारवाई केली जाईल .
            श्री गणेशाच्या आरती साठी केवळ स्पिकर लावण्यास परवानगी दिली जाणार आहे.
तसेच (COVID - 19) संसर्गजन्य प्रादुर्भाव उपाय योजना म्हणून शासनाने दिलेल्या सर्व आदेशाचे पालन करणेबाबत सुचना दिल्या.
         सदर मिंटींग ला वारूळवाडी, नारायणगाव गावातील गणेशोत्सव मंडळाचे अध्यक्ष , सदस्य, शांतता कमिटी चे नागरिक ,प्रतिष्ठीत नागरिक उपस्थित होते

Monday, August 17, 2020

नारायणगाव पोलीस स्टेशन हद्दीत ट्रक मधून लोखंडी गज चोरीचा प्रयत्न करणारेच केले गजाआड : स.पो.नि गुंड यांची माहिती

ग्राहक समाचार News Portal
Reg.R.N.I.No.MAHMAR66462/1997(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री.अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]
नारायणगाव | दि.१७ रोजी नारायणगाव पोलीस स्टेशन हद्दीमध्ये दिंडोरी नाशिकहुन पुण्याकडे लोखंडी बार (स्टील) वाहतूक करत असलेले ट्रक थांबवून ड्रायव्हर व क्लिनर यांना धमकावून स्टील ची चोरी करण्याच्या प्रयत्नात असलेल्या ४ इसमांना ताब्यात घेतले आहे.
अशी माहिती नारायणगाव पोलीस स्टेशनचे साहाय्यक पोलीस निरीक्षक दत्तात्रय गुंड यांनी दिली.
         
       1) अक्षय बबन महांबरे रा साळवाडी श्रीकृष्णनगर ता जुन्नर जि पुणे 
2)राहुल धोंडीभाऊ बेल्हेकर रा पिरसाहेब नगर साळवाडी बोरी खु|| ता जुन्नर जि पुणे 
3)आदेश बाबाजी भोर रा भोरवाडी येडगाव ता जुन्नर जि पुणे 
4)पंकज गोपीनाथ भोर रा चौदा नंबर ता जुन्नर जि पुणे अशी आरोपींची नावे आहेत.
     याबाबत अनिल गोविंद कांबळे वय 40 वर्षे व्यवसाय ट्रान्सपोर्ट रा नम्रता होसिंग सोसायटी नकाते नगर थेरगाव 33 ता हवेली जि पुणे यांनी नारायणगाव पोलीस स्थानकात फिर्याद दिली आहे.

पुणे नाशिक महामार्गावर चौदा नंबर येथील स्वामी समर्थ मंदीराजवळ ते रिलायन्स पेट्रोलपंप वारुळवाडी बायपास जवळ ही घटना घडली.

अधिक माहिती अशी की, माऊली ट्रान्सपोर्ट व्यवसाया करीता 40 ते 45 ट्रक/ट्रेलर असुन त्यावर ड्रायव्हर, क्लीनर ठेवलेले असून ट्रान्सपोर्ट कंम्पनीला ऑर्डर मिळेल त्याप्रमाणे माल ने-आन करण्यासाठी कंम्पनीचे ड्रायव्हर क्लीनर सह ट्रक/ट्रेलर पाठवत असतात.दिंडोरी नाशिक येथील एम आय टी सी रोलिंग मील या कंम्पनीची टी एम टी (स्टील) मालाचे वाहतुकीची ऑडर असल्याने नेहमी ट्रान्सपोर्ट कंम्पनीचे ट्रक/ट्रेलर दिंडोरी नाशिक ते पुणे अशी टी एम टी (स्टील) मालाची वाहतुक करत असतात. मागील पाच/सहा महिन्या पासुन दिंडोरी नाशिक येथुन वाहतुक करणारे ड्रायव्हर मालक यांना सांगत असत की,आम्हाला दिंडोरी येथुन माल घेवुन येत असताना रस्त्यात अडवणुक मारहाण करून माल चोरी करतात.आम्ही माल आणण्यासाठी जानार नाही.तुम्ही एकदा आमचे सोबत येवुन खात्री करा तुम्ही येत असाल तर आम्ही जातो असे सांगु लागल्याने मालकाने त्यांना तुम्ही गाड्या भरून घेवुन या तुम्हाला अडचन आल्यास मी येतो असे सांगुन 11 गाड्या ड्रायव्हर क्लीनर सह माल आनण्यासाठी पाठवुन दिल्या. 
           दिनांक 16/08/2020 रोजी रात्री 11/30 वा चे सुमारास माल भरूण आलेल्या गाड्या पैकी चालक रमेश देवराम सानप यांने फोन करून आपल्या गाड्या सिन्नर जि अहमदनगर पर्यंत आल्या आहेत.तुम्ही आळेफाटा येथे या असे सांगीतले म्हणुन मालक व त्यांचे सहकारी शिवाजी दळवी,विकी दळवी,प्रमोद ननवरे असे स्वीफ्ट गाडी ने आळेफाटा येथे आले.
                दिनांक 17/08/2020 रोजी रात्री 01/20 वा चे सुमारास गाड्या आऴेफाटा येथे आल्यानंतर मालकाने आळेफाटा पोलीसांची मदत घेवुन पुणे कडे  सर्व गाड्या पुढे घेऊन निघाले असताना चौदा नंबर पास होवुन पुढे स्वामी समर्थ मंदीराचे जवळ त्यांची ट्रक नं एम एच 12 क्यु डब्लु 4765 ही उभी असलेली दिसली जवळ जावुन पाहिले असता त्या ट्रक वरील ड्रायव्हर बाळासाहेब नागरगोजे व त्याचे सोबतचा क्लीनर यांना खाली बसवुन एक इसम दमदाटी करतान व दुसरा इसम ट्रक चे मागील बाजुस ट्रक मध्ये चढुन ट्रक मधील टी एम टी बार ( स्टील ) काढत असलेला दिसला.त्यावेळी पाठीमागुन आलेल्या आळेफाटा पोलीसांनी त्या दोघा इसमाना ताब्यात घेवुन नारायणगाव पोलीस स्टेशनला माहिती दिली.
          काही वेळातच नारायणगाव चे पोलीस सदर ठिकाणी आले त्यांनी त्या दोन इसमांना लागलीच ताब्यात घेतले व त्यांना घेवुन पोलीसांसह नारायणगाव पोलीस स्टेशनला आणले.  पोलीसांनी ताब्यात घेतलल्या इसमांना त्यांचे नाव पत्ता विचारले असता त्यांनी त्यांची नावे 1)अक्षय बबन महांबरे रा साळवाडी श्रीकृष्णनगर ता जुन्नर जि पुणे 2) राहुल धोंडीभाऊ बेल्हेकर रा पिरसाहेब नगर साळवाडी बोरी खु।। ता जुन्नर जि पुणे  असे असल्याचे सांगीतले. पोलीस त्या इसमांना विचारपुस करत असतानाच साधारण 02/00 वा चे सुमारास मालकाच्या मोबाईल वर पुढे गेलेल्या ट्रक वरील ड्रायव्हर रमेश सानप याचा फोन आला व त्यांने सांगीतले की, आपले पुढे आलेले तिन्ही ट्रक रिलायन्स पेट्रोलपंप वारूळवाडी चे पुढील बायपास जवळ दोन इसमांनी थांबवले असुन ते आम्हाला दमदाटी करून ट्रक मधील माल काढत आहेत असे सांगीतले. सदर बाबत त्यांनी पोलीसांना सांगताच लागलीच नारायणगाव पोलीस स्टेशन येथील पो शि गारगोटे, कोबल,लोहटे व पोलीस पथक यांचे सह रिलायन्स पेट्रोलपंपाचे पुढे येत असताना बायपास जवळ ट्रान्सपोर्टचे ट्रक नंबर एम एच 12 क्यु डब्लु 4764,एम एच 14 जी डी 3157, एम एच 12 क्यु जी 4315 हे उभे असलेले दिसले.
पोलीस व ट्रान्सपोर्ट मालक पुढे ट्रक कडे जावु लागले असता त्याठिकाणी एक इसम ट्रक नंबर एम एच 12 क्यु डब्लु 4764 वर चढुन माल काढत असताना व एक इसम सदर ट्रक चे चालक रमेश सानप,युवराज चव्हाण,परमेश्वर केंद्रे यांना खाली बसवुन दमदाटी करत असलेला दिसला मालक व पोलीस त्यांचेकडे येत असलेले पाहुन ते दोघे पळुन जाण्याचा प्रयत्न करू लागले असता पोलीसांनी त्यांना जागेवर पकडुन ताब्यात  घेवुन पोलीस स्टेशन ला आले असता  पोलीसांनी त्या इसमांना त्यांचे नाव पत्ता विचारले असता त्यांनी त्यांची नावे 1) आदेश बाबजी भोर रा भोरवाडी येडगाव ता जुन्नर जि पुणे 2) पंकज गोपीनाथ भोर रा चौदा नंबर ता जुन्नर जि पुणे असे असल्याचे सांगीतले तसेच ते चौघे ही भंगारमध्ये विकण्या करीता गाड्यामधील टी एम टी बार (स्टील) काढण्यासाठी आले असल्याचा अंदाज मालकाला आल्याने
दिनांक 17/08/2020 रोजी 01/20 वा ते 02/00 वा चे सुमारास ट्रान्सपोर्ट कंम्पनीचे ट्रक दिंडोरी नाशिक ते पुणे अशी टी एम टी (स्टील) मालाची वाहतुक करीत असताना चौदा नंबर येथील स्वामी समर्थ मंदीराजवळ इसम नामे 1)अक्षय बबन महांबरे रा साळवाडी श्रीकृष्णनगर ता जुन्नर जि पुणे 2) राहुल धोंडीभाऊ बेल्हेकर रा पिरसाहेब नगर साळवाडी बोरी खु।। ता जुन्नर जि पुणे तसेच रिलायन्स पेट्रोल पंप वारूळवाडी चे पुढे असनारे बायपास जवळ त्यांचे साथीदार 3) आदेश बाबजी भोर रा भोरवाडी येडगाव ता जुन्नर जि पुणे 4) पंकज गोपीनाथ भोर रा चौदा नंबर ता जुन्नर जि पुणे  यांनी संगणमत करून आमचे ट्रान्सपोर्ट कंम्पनीचे टी एम टी बार (स्टील)भरून घेवुन चाललेले ट्रक थांबवुन त्यावरील ट्रक ड्रायव्हर व क्लीनर यांना दमदाटी करून ट्रक मधील टी एम टी बार (स्टील) चोरून नेण्याचा प्रयत्न केला.म्हणुन 
त्यांच्यावर भा द वि कलम 379,511,34 नुसार गुन्हा दाखल केला आहे.
पुढील तपास पो.ना लोंढे करीत आहेत.

साप्ता.ग्राहक समाचार News Portal

Reg.- R.N.I.No.MAHMAR66462/1997

(अखिल भारतीय ग्राहक संरक्षण समितीचे खुले व्यासपीठ)

◆ मालक /प्रकाशक/संपादक : 

         श्री. ज्ञानेश्वर बबनराव भागवत

 📱- ७० ८३ ९५ ६९ ५६

◆ कार्यकारी संपादक : 

         श्री. अमर ज्ञानेश्वर भागवत

 📱 ९१ ३० ३४ ९२ ९०

◆ बातम्या आणि जाहिरातींसाठी संपर्क

Email - grahaksamacharnews@gmail.com


                                                  SUBSCRIBE  : https://urlzs.com/NrMtx

 या लिंकवर क्लिक करून ताज्या घडामोडींचे अपडेट्स पाहण्यासाठी "Grahak Samachar" यू ट्यूब चॅनल सब्सक्राईब करा आणि बेल आयकॉन वर क्लिक करा.
facebook :
https://www.facebook.com/grahak.samachar.37

Join Our Whats app Group       

https://chat.whatsapp.com/FqwkZM1wrYBE2jtsvflh1S

मा.शरदचंद्रजी पवार साहेब "आरोग्य मंदिर" या कोव्हिड सेंटरसाठी पारनेरच्या शिक्षकांची ७१ हजार रूपयांची मदत

 


आमदार निलेश लंके यांच्या संकल्पनेतून आज कर्जुले हर्या येथे आज लोकार्पण झालेल्या शरदचंद्र पवार आरोग्य मंदिर या कोव्हिड सेंटरसाठी शिक्षक नेते विजयराव काकडे व मित्रमंडळाने १० ऑगस्ट रोजी आपल्या शिक्षक मित्रमंडळींचा एक व्हॉट्सअप ग्रुप स्थापन केला. ग्रुपवर मदतीचे आवाहन केले आपल्या मित्रांच्या हाकेला साद देऊन आपण सर्व मित्र परिवाराने खारीचा वाटा उचलून या कोव्हिड सेंटरसाठी आर्थिक मदतीचा हातभार लागावा म्हणून सहकार्य केले. 
अवघ्या तीन दिवसात ७१ हजार रूपयांची मदत कोव्हिड सेंटर साठी उभी राहिली. यासाठी कोणासही खास आग्रह अथवा फोन करावा लागला नाही हे विशेष ! आर्थिक मदत किती आहे हे महत्वाचे नाही तर पारनेर तालुक्यातून या कामासाठी शिक्षक मित्रांनी पुढाकार घेतला याबाबत आ.निलेश लंके यांनाही या शिक्षकांचा सार्थ अभिमान वाटला. तन-मन-धनाने अहोरात्र जनतेच्या समस्यांसाठी लढणाऱ्या आ.लंके यांच्या या कार्यात सहकार्य करणाऱ्या शिक्षकांना विजय काकडे यांनी धन्यवाद दिले आहेत. आज झालेल्या लोकार्पण सोहळयात हा निधी सुपुर्द करण्यात आला.

या मदतनिधीसाठी अंबादास काकडे, बिंदकुमार नरड, संतोष खामकर, सचिन गाडीलकर, दादाभाऊ कोल्हे, पोपट नवले, आदी प्राथमिक शिक्षक मित्र परिवाराने मदत केली. शिक्षकांच्या या सामाजिक बांधिलकीचे सर्वत्र कौतुक होत आहे.

Saturday, August 15, 2020

नारायणगाव ग्रामपंचायत येथे कोरोना योद्धांच्या हस्ते ध्वजारोहन..

ग्राहक समाचार News Portal
Reg.R.N.I.No.MAHMAR66462/1997(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री.अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]

    सरपंच योगेश पाटे यांच्याकडुन रुग्णवाहिका चालक संजय भोर, विनायक जाधव, ओंकार जंगम यांना ध्वजारोहणाची संधी.
  नारायणगाव : नारायणगाव व परिसरात कोरोना विषाणूचा संसर्ग व प्रादुर्भाव मोठ्या प्रमाणात वाढत असताना रुग्णवाहिका चालक संजय भोर, विनायक जाधव, ओंकार जंगम यांनी कोरोना काळात कोरोना संशयीत व्यक्तींची पीपीई किट घालून आपल्या जीवाची पर्वा न करता अंत्यसंस्कार केले, आजारी पेशंट कोणतीही पर्वा न करता दवाखान्यापर्यंत पोहचविण्याचे कार्य केले तसेच आशावर्कर,
आरोग्य सेवक, अंगणवाडी सेविका,
ग्रामपंचायत कर्मचारी यांचे कामही उल्लेखनीय आहे.

               या कार्याचे कौतुक करत लोकनियुक्त सरपंच योगेश पाटे व ग्रामपंचायत नारायणगावच्यावतीने कोरोना योद्धा रुग्णवाहिका चालक संजय भोर, विनायक जाधव, ओंकार जंगम, माऊली माने ग्रामपंचायत कर्मचारी यांच्या हस्ते १५ ऑगस्ट स्वातंत्र्यदिनाचे ध्वजारोहन करण्यात आले यानिमित्त गावात शासकीय कार्यालयांना विद्युत रोषणाई, मेन बाजारपेठेत फुग्यांची सजावट केली होती.

           यानिमित्तानं लोकनियुक्त सरपंच योगेश पाटे, उपसरपंच सारिकाताई डेरे, मंडलाधिकारी डी.बी.काळे, तलाठी नामदेव सोनवणे, ग्रामविकास अधिकारी नितीन नाईकडे, ग्रामपंचायत सदस्य आरिफ आतार, संतोष दांगट, गणेश पाटे, राजेश बाप्ते, ज्योतीताई दिवटे, रुपालीताई जाधव, भागेश्वर डेरे, ईश्वर पाटे,प्रा.अशपाक पटेल, योगेश गांधी व ग्रामपंचायत कर्मचारी उपस्थित होते.

Wednesday, August 12, 2020

नारायणगावचे स.पो.नि.घोडे पाटील शिक्रापूर चे पो.ना.इनामे सेवेतून निलंबित तर नारायणगाव पो.ना.हांडे बडतर्फ

ग्राहक समाचार News Portal
Reg.R.N.I.No.MAHMAR66462/1997
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री.अमर भागवत
               नारायणगाव पोलीस स्टेशनचे सहाय्यक पोलीस निरीक्षक यांच्या सह पोलीस नाईक धर्मात्मा हांडे यांनी गुन्ह्यात मदत करण्यासाठी तक्रारदार यांच्याकडे पाच लाख रुपयांची लाच मागितल्या प्रकरणी  लाचलुचपत प्रतिबंधक विभागाने अटक केली. तसेच शिक्रापूर पोलीस स्टेशनमध्ये पोलीस नाईक बनं .२१८८/श्री .हेमंत गांडरंग इनामे यांनी बेकायदेशीर वाळू वाहतूक प्रकरणात पुरावे नष्ट करण्याचा प्रयत्न केल्या प्रकरणी पुणे ग्रामीण चे पोलीस अधीक्षक संदीप पाटील यांनी या घटनेची गंभीर दखल घेत घोडे पाटील व  इनामे यांना यांना सेवेतून तात्काळ निलंबित केले असून पोलीस नाईक हांडे यांना शिस्तभंगविषयक कार्यवाही अंतर्गत शासकीय सेवेतून तात्काळ बडतर्फ केले 
असल्याची माहिती पुणे ग्रामीण पोलीस अधीक्षक कार्यालया कडून देण्यात आली आहे.
           याप्रकरणी मिळालेली माहिती अशी की
 सहाय्यक पोलीस निरीक्षक श्री.अर्जुन केशव घोडेपाटील व पोलीस नाईक बनं.७८०/श्री.धर्मात्मा काराभारी हाडे , नेमणुक नारायणगांव पोलीस ठाणे , पुणे ग्रामीण यांनी फिर्यादीकडून गुन्हयात मदत करण्यासाठी व दोषारोपपत्र लवकर दाखल करण्यासाठी लाचेची मागणी केल्याचे निष्पन्न झाल्याने त्यांच्याविरुध्द दिनांक . ११/०८/२०२० रोजी , नारायणगाव पोलीस ठाणे,पुणे ग्रामीण येथे गुर न . २४८/२०२०,भ्रष्टाचार प्रतिबंधक अधिनियम १९८८ मधील कलम ७ प्रमाणे गंभीर स्वरूपाचा गुन्हा दाखल झाला आहे .           
                    तसेच शिकापुर पोलीस ठाणे कार्यक्षेत्रात दिनांक २२/०७/२०२० रोजी , चाकण चौक येथे पेट्रोलींग दरम्यान बेकायदेशीर वाळू वाहतुक करणारा टाटा भारत बेंझ हायवा ट्रक एम.एच .१४ / एच.जी .७२९१ मिळुन आल्याने सरदचे वाहन पुढील कायदेशीर कारवाई करण्यासाठी शिक्रापुर पोलीस ठाणे आवारात लावण्यात आले होते . पोलीस नाईक बनं .२१८८/ श्री.हेमंत गांडरंग इनामे,नेमणक शिकापुर पोलीस ठाणे,पुणे ग्रमीण यांनी बेकायदेशीरपणे सदर ट्रकमधील वाळुवरती इतर इसमाच्या सहभागाने दगडाचे बारीक क्रशरचा थर टाकुन खोडसाळपणा करून पुरावा नष्ट करण्याचा प्रयत्न केल्याचे प्रथमदर्शनी निष्पन्न झाले आहे .
             पुणे ग्रामीणचे पोलीस अधीक्षक श्री संदीप पाटील यांनी सदरहु घटनेची गंभीर दखल घेतली असुन 
सहायक पोलीस निरीक्षक श्री.अर्जुन केशव घोडेपाटील व पोलीस नाईक ब.नं.२१८८/श्री.हेमंत गाइरंग इनामे,नेमणुक शिकापुर पोलीस ठाणे , यांना सेवेतून तात्काळ निलंबित केले असून त्यांचेविरूध्द खातेनिहाय चौकशीचे आदेश देण्यात आले आहेत .      तसेच पोलीस नाईक ब.नं .७८० / श्रीधर्मात्मा कारभारी हांडे नेमणुक नारायणगांव पोलीस ठाणे,यांना शिस्तभंगविषयक कार्यवाही अंतर्गत शासकीय सेवेतून तात्काळ बडतर्फ केले आहे .

Monday, August 10, 2020

वारुळवाडी च्या वैभवात भर पडणाऱ्या नाविन्यपूर्ण ग्राम संसद इमारतीचे उद्घाटन खा. कोल्हे यांच्या शुभ हस्ते संपन्न

ग्राहक समाचार News Portal
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री. अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]
       वारूळवाडी येथे सुमारे चार कोटी रुपये खर्च करून बांधण्यात आलेल्या ग्रामसंसद भवन या नवीन इमारतीच्या उद्घाटन सोहळा खासदार डॉ.अमोल कोल्हे यांच्या शुभहस्ते संपन्न झाला.
   नारायणगाव वारूळवाडी येथील नूतन ग्रामसंसद ही वास्तू गावच्या वैभवात भर टाकणारी व नावलौकीक वाढविणारी आहे असे गौरवोदगार कोल्हे यांनी व्यक्त केले . 
                 यावेळी आमदार अतुल बेनके जिल्हा परिषद अध्यक्षा निर्मला पानसरे , सभापती ऍड संजय काळे , जि . प.सदस्या आशा बुचके , पांडुरंग पवार , सरपंच जयश्री बनकर , उपसरपंच सचिन वारुळे , रमेश भुजबळ , वैद्यकीय अधिकारी डॉ . वर्षा गुंजाळ , उद्योजक संजय वारुळे , बाजार समिती संचालक विपुल फुलसुंदर , ग्रामसेवक विद्याधर मुळूक , जालिंदर मोहे , जंगल कोल्हे , राजेंद्र मेहेर , रवी साळुके , अविनाश घोलप , सर्व ग्रामपंचायत सदस्य उपस्थित होते .
            या कार्यक्रमास माजी आमदार शरद सोनवणे आणि विघ्नहर कारखान्याचे चेअरमन सत्यशील शेरकर यांनीही भेट दिली .  
             उत्तर पुणे जिल्हात सर्वात मोठी आणि अद्यावत सुविधा असलेली १५ हजार ८०० स्क्वे . फुटाची ही ग्रामपंचायत इमारत असून या ग्रामपंचायतीमध्ये स्वागतकक्ष , सरपंच , ग्रामसेवक 1. अतिथी कक्ष , भूमी अभिलेख कक्ष ,वाचनालय अशा सुविधा आहेत , तालुक्यातील सर्वात मोठी असलेली वारूळवाडी ग्रामपंचायत ओळखली जाणार आहे अशी माहिती संजय वारुळे आणि उपसरपंच सचिन वारुळे यांनी दिली .
               याप्रसंगी उत्कृष्ट बांधकाम केल्याबद्दल स्थापत्य अभियंता रवी साळुखे व अविनाश घोलप यांचा तसेच
 कोरोना काळात उत्कृष्ट वैद्यकीय सेवा दिल्याबद्दलडॉ.वर्षा गुंजाळ व आरोग्य सेवक यांचा सत्कार करण्यात आला .
                कार्यक्रमाचे सूत्रसंचालन सुनील मेहेर यांनी केले तर जंगल कोल्हे यांनी आभार मानले . 
          
                 दरम्यान जुन्नर पंचायत समितीचे माजी सभापती दशरथ पवार यांचे पुणे याठिकाणी कोरोना उपचारा दरम्यान निधन झाल्याने हा उद्घाटन सोहळा अवघ्या २० मिनिटांत अत्यंत साध्या पद्धतीने साजरा करून सर्व उपस्थितांच्या वतीने कै. दशरथ पवार यांना श्रद्धांजली अर्पण करण्यात आली .

महाराष्ट्र राज्य मराठी पत्रकार संघाचे वतीने सोबलेवाडी येथे गुणवंत विद्यार्थ्यांचा सत्कार

श्रीनिवास शिंदे ( उपसंपादक, ग्राहक समाचार )


पारनेर ( प्रतिनिधी ),

                          महाराष्ट्र राज्य मराठी पत्रकार संघाचे वतीने पारनेर तालुक्यातील सोबलेवाडी मधील जिल्हा परीषद प्राथमिक शाळेमधे दि.९ ऑगस्ट रोजी सकाळी १० वाजता गुणवंत विद्यार्थ्यांचा सत्कार करण्यात आला. कार्यक्रमाच्या अध्यक्षस्थानी महाराष्ट्र राज्य मराठी पत्रकार संघाचे पारनेर तालुका अध्यक्ष दत्ता गाडगेसर हे होते.                         

                        कार्यक्रमा चे सुरवातीला पिंप्री जलसेनपुत्र नायक भरत कदम यांना सामुदायिक श्रध्दांजली अर्पण करण्यात आली. यावेळी १० वी  व १२ वी मधील विशेष प्राविण्य मिळविलेल्या गुणवंत विद्यार्थ्यांना शाल, श्रीफळ व गुलाबपुष्प देवुन सन्मानित करण्यात आले. १२ वी मधे तालुक्यामधे प्रथम आलेल्या कु.समृध्दी समिर अंबे हिच्यासह इयत्ता १० वी मधील गायश्री साहेबराव सोबले, अभिषेक जनार्दन गोसावी, सिध्दी बाबाजी औटी, वैष्णवी संतोष म्हस्के, सुप्रिया बापु सोबले आदींचा उपस्थित मान्यवरांचे हस्ते सत्कार करण्यात आला. यावेळी पारनेर च्या नगरसेविका विजेता विलास सोबले, शाळा व्यवस्थापन समितीचे अध्यक्ष बाळासाहेब सोनवणे, सामाजिक कार्यकर्ते समिर अंबे, मेजर साहेबराव सोबले, मुख्याध्यापक प्रकाश नांगरे सर, पारनेर तहसिलचे सिनियर क्लर्क महेंद्र रोकडे, योगेश शेरकर, विकास शेरकर, अमोल शेरकर, रामदेव गोसावी आदी उपस्थित होते. 

              यावेळी बोलताना कार्यक्रमाचे अध्यक्ष व पत्रकार संघाचे तालुका अध्यक्ष दत्ता गाडगे यांनी १० वी व १२ वी मधील गुणवंत विद्यार्थ्यांनी उज्वल यश संपादन केल्याबद्दल अभिनंदन केले. आजचा विद्यार्थी भविष्यकाळामधे या देशाचा सुजान नागरीक असणार असुन, देशाचे भविष्य असल्याचे सांगीतले. भविष्यामधे यामधील विद्यार्थ्यांमधुन आपीएस,आय् ए एस दर्जाचे अधिकारी बनुण यावेत आणि आम्हाला पुन्हा एकदा सत्काराची संधी मिळावी अशी आशा व्यक्त केली. विद्यार्थ्यां सोबतच शिक्षक आणि आई वडीलांचेही विद्यार्थ्यांच्या यशामधे  महत्वाचे योगदान असल्याचे सांगीतले.                                   

               प्रास्ताविकामधे बोलताना मुख्याध्यापक प्रकाश नांगरे म्हणाले, महाराष्ट्र राज्य मराठी पत्रकारसंघाने आज आमच्या विद्यार्थ्यांचा सत्कार केला. अशीच कौतुकाची थाप भविष्यातही कायम ठेवावी. प्रास्ताविक जि.प.शाळेचे मुख्याध्यापक प्रकाश नांगरे यांनी तर आभार पत्रकार संघाचे पारनेर शहराध्यक्ष संतोष सोबले यांनी व्यक्त केले. यावेळी पालक व विद्यार्थ्यांनीही आपली मनोगते व्यक्त केली.याप्रसंगी पत्रकार संघाचे मार्गदर्शक अरुणराव आंधळे, उपाध्यक्ष विनोद गायकवाड, राम तांबे, दत्ता ठुबे, पारनेर शहराध्यक्ष संतोष सोबले, संपर्क प्रमुख संजय मोरे, प्रसिध्दीप्रमुख श्रीनिवास शिंदे, उपसचिव बाबाजी वाघमारे, सदस्य गंगाधर धावडे, संपत वैरागर आदींसह शिक्षक व विद्यार्थी उपस्थित होते. मास्क व सॅनिटायझर लावुन कार्यक्रम नियमामधे घेण्यात आला.

Sunday, August 9, 2020

आणे येथे हरियाणा राज्याकरिता विक्री साठी चा दारू साठा केला जप्त.राज्य उत्पादन शुल्क विभागाची कारवाई.

ग्राहक समाचार News Portal
Reg.R.N.I.No.MAHMAR66462/1997
(अखिल भारतीय ग्राहक संरक्षण समितीचे खुले व्यासपीठ)
कार्यकारी संपादक : श्री.अमर भागवत
[अध्यक्ष : अ.भा.ग्राहक संरक्षण समिती जुन्नर तालुका]
    नारायणगाव |  दि.7 ऑगस्ट रोजी जुन्नर तालुक्यातील नगर कल्याण हायवे ला असलेल्या अणे गावच्या हद्दीत रात्री 9 .30 वाजताच्या सुमारास श्री.रंगदास स्वामी मंदीराच्या समोरील रस्त्यावर  हरीयाणा राज्याकरीता विक्रीसाठी असलेला बेकायदेशीर विदेशी मद्याचा साठा जप्त करण्यात आलाअसून आरोपीस अटक करण्यात आली आहे. अशी माहिती राज्य उत्पादन शुल्क नारायणगाव विभागाचे विभागाचे निरीक्षक श्री .जी.डी .कुचेकर यांनी दिली.
           या प्रकरणी  विकास रामदास वाजे यास अटक करण्यात आली असून त्यास न्यायालया
समोर हजर करण्यात आले .
            आरोपीच्या ताब्यातून एक मारूती कार 
क्र.एमएच 09 ए बी 4416 ज्या मध्ये मॅकडोव्हेल नं.1 कंपनीच्या व्हिस्की 750 मिलीच्या 128 सीलबंद बाटल्या व प्लॅस्टीक कॅप 650 नग असा एकूण रुपये 1 लाख 33 हजार 100 रुपये किमतीचा मुद्देमाल जप्त करण्यात आला आहे. 
             सदर कारवाई राज्य उत्पादन शुल्क , पुणे विभागाचे विभागीय उपायुक्त श्री.प्रसाद सुर्वे यांच्या आदेशानुसार , राज्य उत्पादन शुल्क पुणे अधिक्षक श्री.संतोष झगडे व उपअधीक्षक श्री.संजय जाधव यांच्या मार्गदर्शनाखाली  राज्य उत्पादन शुल्क 
नारायणगाव विभागाचे निरीक्षक श्री.जी.डी.कुचेकर ,सहाय्यक दुय्यम निरीक्षक श्री .एस.डी.झगडे , जवान श्री.डी.डी .केकरे , पी.पी.पाटील  यांच्या पथकाने केली .
         पुढील तपास निरीक्षक श्री.जी.डी.कुचेकर 
हे करीत आहेत .

Saturday, August 1, 2020

तिखोल ग्रामपंचायत समोरील चौकातील इलेक्ट्रिक पोल काढल्यामुळे ग्रामस्थामध्ये समाधानाचे वातावरण

श्रीनिवास शिंदे - उप संपादक, ग्राहक समाचार, पारनेर




टाकळी ढोकेश्वर ( पारनेर ) :
     तिखोल ग्रामपंचायत समोरील चौकात इलेक्ट्रिक पोल व पांढरीचा टेक येथील इलेक्ट्रिक पोल खराब झालेमुळे व हायमॅक्स असल्यामुळे चौकात मोठ्या प्रमाणात अडचण होती.ग्रामस्थांची इलेक्ट्रिक पोल व हायमॅक्स चौकातुन काढुन बाजुला लावण्याची अनेक वर्षांपासून मागणी होती.तसेच गावात सिंगल फेज लाईट नसल्या मुळे गावांत वारंवार लाईट जात होती.त्या मुळे मागील आठवडय़ात अधिक्षक अभियंता श्री.सांगळे साहेब यांचेशी संपर्क साधून पारनेर विज मंडळ कार्यालयात उपअभियंता श्री.आडभाई व सहायक अभियंता श्री.पाटील यांची मा.सभापती अरुणराव ठाणगे व चेअरमन जालिंदर ठाणगे यांनी समक्ष भेट घेऊन चर्चा केली असता वरील दोनही कामे तातडीने मार्गी लावले आहेत.


या कामासाठी मा.जिल्हा परिषद उपाध्यक्ष सुजितराव झावरे पाटील यांचे मोलाचे सहकार्य लाभले.आज तातडीने इलेक्ट्रिक पोल व हायमॅक्स काढुन साईट ला लावनेत आले आहेत.व लवकर सिंगल फेज चे काम सुध्दा  सुरु होईल. या कामाबद्दल मा.उपाध्यक्ष सुजितराव झावरे पाटील, उपअभियंता आडभाई साहेब,सहाय्यक अभियंता पाटील साहेब,वायरमन बाळु खोडदे यांचे तिखोल ग्रामपंचायत व ग्रामस्थांकडून अभिनंदन करण्यात आले.आज या कमासाठी सुनील शेठ ठाणगे,साहेबराव ठाणगे,भोमा ठाणगे,अनिल ठाणगे,गणेश ठाणगे,बाळु ठाणगे,महम्मद तांबोळी,पप्पु ठाणगे,अमोल साळवे,बबन मेजर,सतीश शेंडगे,अतुल ठाणगे,टिप्पु ठाणगे,युवराज साळवे,राहुल साळवे, विठ्ठल ठाणगे,संकेत ठाणगे,राघु साळवे, साहेबराव साळवे,अश्र्वीन मंचरे,नागचंद ठाणगे यांचे मोलाचे सहकार्य लाभले.