अवैधरित्या दारू विक्री प्रकरणी हॉटेल गावठी कट्टा च्या मालक आणि कामगारावर गुन्हा दाखल

ग्राहक समाचार News Portal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक : श्री. अमर भागवत

[अध्यक्ष : अ.भा.ग्राहक संरक्षण समिती जुन्नर तालुका]

शिरोली सुलतानपूर ( ता . जुन्नर ) येथील गावठी कट्टा या हॉटेल च्या पाठीमागे अवैधरित्या 

देशी-विदेशी दारू विकणाऱ्या कामगारावर व हॉटेलच्या मालकावर नारायणगाव पोलीस स्थानकात गुन्हा दाखल करण्यात आला आहे . अशी माहिती सहाय्यक पोलीस निरीक्षक अर्जुन घोडे पाटील यांनी दिली .      

        याप्रकरणी रामजीत मानोराम निशाद ( वय २३ , राहणार शिरोली सुलतानपूर तालुका जुन्नर , मूळ राहणार सारैया , मल्लेपुर , तालुका भीटी , जिल्हा फैजाबाद , उत्तर प्रदेश ) हा कामगार  त्याचे हॉटेल मालक रविंद्र रामकृष्ण पटाडे ( राहणार साळवाडी , तालुका जुन्नर ) यांच्या सांगण्यावरून हॉटेल गावठी कट्टा च्या पाठीमागे अवैधरित्या

 देशी विदेशी दारू ची विक्री करताना आढळला . 

          त्याच्या ताब्यातील ३ हजार ४०० रुपयांची 

देशी-विदेशी दारू तसेच २१ हजार ४१० रुपये रोख रक्कम असा एकूण २५ हजार ७७ रुपयेचा मुद्देमाल मिळून आला . 

      यातील आरोपी रामजीत निशाद याला अटक करून जुन्नर न्यायालयात हजर करण्यात आले . 

              सदर कामगिरी उपविभागीय पोलिस अधिकारी दीपाली खन्ना यांच्या मार्गदर्शनाखाली सहाय्यक पोलीस निरीक्षक अर्जुन घोडे पाटील , पोलीस नाईक धनंजय पालवे , पोलीस कॉन्स्टेबल सचिन कोबल , नवीन अरगडे यांनी पार पाडली .

          या घटनेचा तपास पोलीस नाईक रामचंद्र शिंदे हे करीत आहेत .