खासदार डॉ.अमोल कोल्हे आयोजित मोफत कर्णबधिर तपासणी शिबिरास नारायणगाव मध्ये उत्स्फूर्त प्रतिसाद

ग्राहक समाचार  News / Web chanal

(अखिल भारतीय ग्राहक संरक्षण समितीचे खुले व्यासपीठ)

कार्यकारी संपादक  : श्री.अमर भागवत

नारायणगाव- दि.१० शिरूर लोकसभा
मतदारसंघाचे खासदार डॉ. अमोल कोल्हे यांच्या माध्यमातून  यशवंतराव चव्हाण प्रतिष्ठान मुंबई, जगदंब प्रतिष्ठान महाराष्ट्र राज्य आणि स्टार्की फाऊंडेशन अमेरिका यांच्या संयुक्त विद्यमाने आयोजित केलेल्या  मोफत कर्णबधिर तपासणी व डिजिटल श्रवणयंत्र वाटप शिबिर मालिकेतील सहावे शिबिर आज नारायणगाव येथे उत्साहात संपन्न झाले.

              जुन्नर तालुक्याचे आमदार अतुल बेनके यांच्या हस्ते या शिबिराचे उद्घाटन पार पडले.शिरूर लोकसभा मतदारसंघातील ज्येष्ठ नागरिकांसाठी नव्या वर्षात एक अभिनव उपक्रम राबविण्याच्या प्रयत्नांचा भाग म्हणून खासदार डॉ. अमोल कोल्हे यांच्या माध्यमातून ६० वर्षांवरील ज्येष्ठ नागरिकांची मोफत श्रवणदोष तपासणी करण्यात आली.         सकाळी ९ ते दुपारी ३ या वेळेत शिबिरात सहभागी झालेल्या सुमारे १००० ज्येष्ठ नागरिकांची कानांची तपासणी करण्यात आली.

           अमेरिकेतील स्टार्की फाऊंडेशनच्या तज्ज्ञ डॉक्टरांनी प्रत्येक नागरिकाची तपासणी केल्यानंतर श्रवणदोष आढळलेल्या व्यक्तींच्या कानाचे मोजमाप घेण्यात आले. शिबिरात पात्र ठरलेल्या व्यक्तींना डिजिटल श्रवणयंत्र मोफत देण्यात येणार आहे.

या शिबिराच्या उद्घाटनप्रसंगी जुन्नरचे आमदार अतुल बेनके, बाजार समितीचे सभापती संजय काळे, पंचायत समिती सभापती विशाल तांबे, जिल्हा परिषद सदस्य मोहित ढमाले, अमित बेनके, डॉ. सदानंद राऊत, दिलीप कोल्हे, अरविंद लंबे, गणेश वाजगे, रामदास अभंग, रोहिदास केदारी, शेखर शेटे, राजेंद्र कोल्हे, राजेश कोल्हे, आशिष हांडे, अतुल आहेर , ज्ञानेश्वर औटी, राजेश बेनके, राजेश पाटे, भाऊ देवाडे, सुजित खैरे सहाय्यक पोलीस निरीक्षक अर्जुन घोडे पाटील, सुजाता डोंगरे ,जुन्नर तालुका आरोग्य कर्मचारी, आशा वर्कर , शरदचंद्र पवार फार्मसी कॉलेजचे प्राध्यापक व विद्यार्थी , राष्ट्रवादी काँग्रेसचे पदाधिकारी उपस्थित होते.

स्टार्की फाऊंडेशन अमेरिका या संस्थेच्या वतीने डॉ.सुरेश जे पिल्लई, डॉ.रवी गुप्ता, डॉ.सागर कानेकर, डॉ.पी.व्ही सरथ, डॉ.निहार प्रधान, डॉ.यशवंत सिंह, डॉ.सुरजित पेन, डॉ.स्टेजीन बेनी आदींनी कर्णबधिर ज्येष्ठ नागरिकांची तपासणी केली.